880 دوکان، مارکیٹ، 6 صنعت سِیل، 1229 گاڈی تے جرمانہ کننگا، این سی او سی
اسلام آباد۔22 جون (اے پی پی) تدوک آ بیست ءُ چار گھنٹہ ٹی مچ آ ملک اٹی کورونانا بابت رائج ایس او پی تا 6 ہزار 862 خلاف ورزی مون آ بس ہراٹی 880 آن زیات دوکان، مارکیٹ آتیان بیدس 6 صنعت آتے سِیل و 1 ہزار 229 گاڈی تے جرمانہ کننگا۔ این سی او سی نا رداٹ مچ آ ملک اٹی ایس او پی تا خلاف ورزی تا سرجم آتا بابت اسلام آباد اٹی کل 33 خلاف ورزی ٹی 23 دوکان، مارکیٹ آتیان بیدس 2 صنعت و 9 گاڈی تے عارضی وڑاٹ بندو جرمانہ کننگا۔ آزاد کشمیر اٹی 370 ایس او پی تا خلاف ورزی تیٹی 9 دوکان، مارکیٹ آتیان بیدس 186 گاڈی تے عارضی وڑاٹ بندو جرمانہ کننگا۔ بلوچستان اٹی 684 خلاف ورزی تیٹی 71 دوکان، مارکیٹ آتیان بیدس 287 گاڈی تے جرمانہ و بند کننگا۔ گلگت بلتستان اٹی 178 خلاف ورزی تیٹی 93 دوکان و 11 گاڈی تے عارضی وڑاٹ بند و جرمانہ کننگا۔ خیبر پختونخوا ٹی 3 ہزار 648 خلاف ورزی تا حالیت اٹ 209 دوکان، مارکیٹ آتیان بیدس 113 گاڈی تےعارضی وڑاٹ بند و جرمانہ کننگا۔ پنجاب اٹی 1 ہزار 949 خلاف ورزی مون آ بس ہراٹی 475 دوکان، مارکیٹ آتیان بیدس 4 صنعت و 623 گاڈی تے عارضی وڑاٹ بند و جرمانہ کننگا۔
