اسلام آباد۔ 22 جون (اے پی پی) وزارت انسانی حق انا ڈائریکٹر جنرل محمد حسن منگی پارینے کہ ننا وزارت چناتا آخبت ءِ رکھ کننگ و اوفتے جوان ءُ پلیٹ فارم اس تننگ کن سنجیدگی اٹ گام گیج کننگ ءِ، دا بابت بنجائی کابینہ ہم چائلڈ لیبر ایکٹ اٹ سلاہ ئی ترمیم تا منظوری ءِ تسنے، دا ترمیم تے وزارت انسانی حق انا کنڈآن پیش کننگاسس۔ اے پی پی تون گپ وتران کرسا محمد حسن منگی پارے کہ اُراتیٹی کاریم ءِ غیر موثر گوندسا چائلڈ لبیر نا چٹفنگ اٹ کمک ملنگ کیک۔ اوپارے کہ بنجائی کابینہ چناتا روزگار ایکٹ اٹ وزارت انسانی حق انا کنڈآن سلاہ ئی ترمیم تا منظوری ءِ تسنے داڑآن چائلڈ لبر نا مون ءِ توننگ اٹ کمک ملنگ کیک۔ اوپارے کہ ملک لس مزور آتے ہم حکومت نا کنڈآن بناکروک آ کمکی اسکیم تیٹی اوار کننگ نا گرج ءِ تانکہ اوفتے تینا چناتے کم وئی اٹ کاریم آ گدریفنگ آن توننگ مرے۔ اوپارے کہ فیڈرل بیورو آف سٹیٹسٹکس و نیشنل چائلڈ لیبر نا کمک اٹ کروک آ اسہ سروے نا رداٹ 19 ملین آن زیات 14 سال آن کم وئی نا چنامزور نا وڑاٹ کاریم کننگ ءُ ہرااست ہسونی نا سوب ءِ۔ اوپارے کہ ایمپلائمنٹ آف چلڈرن ایکٹ 1991 نا رداٹ چناتیان اُراتا کاریم ءِ غیر موثر پیشہ غاتا لڑاٹ اوار کننگ آن بنجائی و صوبائی کہول آ چائلڈ لیبر نا چٹفنگ اٹ کمک ملنگ کیک۔
