فیصل آباد۔ 22 جون (اے پی پی) پی ٹی آئی نا مرکزی راہشون و بنجائی پارلیمانی سیکرٹری ریلوائی میاں فرخ حبیب پارینے کہ مذہبی رسم آتا اداکننگ کن ٹرین تا کمک اٹ ننکانہ صاحب آ بروک آ سکھ یاتری تے کوروناوائرس آن بچفنگ کن غٹ رکھی بست وبند آتے پک کننگ انگ ءِ و دا چرجوئی ٹی غٹ تر ایس او پی تیا ہم نئے بیرہ پاکستان ریلوائی ناکنڈآن عمل برجاءِ بلکن تینا شرفمند آمسافر آتیان ہم خواست کننگ انگ ءِ کہ او ہم کوروناغان بچنگ کن رکھی، خیالداری و تدارکی تدابیر آتیا عمل کیر نیز داسہ وخت اس کہ جہانی فلائٹ آپریشن ہم بناکننگ ءِ ہنداخاطرآن پیشن نا ملک آتیان ہم سکھ یاتری تا پاکستان آ ہند و برمریک ہنداخاطرآن داڑکن ہم ہروڑنابست وبند و گام گیج و سرکاری مشینری تے چوکنا کننگ انگ ءِ تانکہ اوکان پد ہروڑنا ناخوشگوار حالیت آتون مون تروئی تمپ۔ اے پی پی تون گپ وتران اٹی اوپارے کہ وزیراعظم عمران خان و اونا ٹیم کوروناوائرس تون مون تننگ کن ہروخت کوشست کننگ ءُ وخت اس کہ انسدادی گام گیج آتے ٹی سول انتظامیہ، پولیس، پاک فوج و ایلو سیکورٹی فورس آتا کڑد قابل ستائش و گمر نا قابل ءِ۔ اوپارے کہ ڈاکٹر آتا تینا جان تا پرواہ ءِ کننگ آن بیدس کورونانا برخلاف جہاد عظیم ءُ خذمت اسے ہرادے قوم اسہ وڑاسے ٹی ہم است آن دننگ کپک۔ اوپارے کہ ٹرین تیٹی کوروناوائرس آن بچنگ کن پورو رکھی گام گیج آتیا عملدرآمد و ٹرین اٹی سوار مننگ آن مست مسافر آتے پورو وڑاٹ چیک کننگ انگ ءِ تانکہ سفر اٹی ہچ وڑنا فریشانی اس مف۔ اوپارے کہ دُن تو مچ آ ملک آن سکھ یاتریک مذہبی رسم آتے ادا کننگ کن ننکانہ صاحب آ ٹرین تا کمک اٹ بریرہ ہنداخاطرآن کوروناوائرس نا گڑّتی تارداٹ اوفتا پورو چیک اپ ءِ کننگ آن بیدس اوفتے ہروڑنا رکھ فراوان کننگک۔ اوپارے کہ ریلوائی نا مسافر اونا نہادی میرات ءُ ہنداخاطرآن ریلوائی ملکیت آتا رکھ و ریلوائی مسافر آتا جان و مال ءِ ہروڑاٹ رکھ فراوان کننگک۔
