اسلام آباد ۔ 21جون (اے پی پی) میاں اوستمانی اقتصادی فورم ءِ بانی ءُ انتظامی چیئرمین پروفیسرڈاکٹرکلازشواب ءَ گوشت کہ کورونا وائرس ءِ میاں اوستمانی وبا ءِ بحران ءَ را یک گہتر دگنیا ءِ ہڈ ءِ تہ بدل کنگ ممکن انت بلے ایشی ءِ ھاترا مارا یکجاھیں ءُ زوتیں گام زورگ بہ بنت۔اے گپ آہاں وتی یک حالیگءِ آرٹیکل ءِ تہ کتگ انت۔ ڈاکٹرکلازشواب ءَ گوشت کہ کورونا وائرس ءِ وبا ءِ ھوالہ چہ گامگیج ءِ پدا مہ بدلی ءَ چارگ اوں ایشی ءَ چہ اے گپ پدر بوھگ انت کہ دگنیا ءِ اقتصادی ءُ چاگردی بنیاتاں را نوکیں وڈ ءَ جوڈ کنگ ممکن انت۔اے ھاترا پروفیسرشواب ءَ گریٹ ری سیٹ ءِ اصطلاح کارمرز کتگ انت۔آہاں گوشت کہ اے سرمایہ داری سسٹم ءِ سٹیک ہولڈرز ءِ ھاترا مئے کر ءَ شریں موہ انت۔ کلازشواب ءَ گوشت کہ وبا ءَ گوں دیم دیگ ءِ ھاتر الاک ڈاون ءِ تہ اگہ کمی بوتگ بلے دگنیا ءِ چاگردی ءُ اقتصادی امکان ءِ باروا تکانسری ءِ تہ ودکی کائیت،ایشی ءِ ھاترا سبب ھم انت۔سرجمیں دگنیا ءِ معیشت گوں ترندی ءَ کم بوھگ انت ءُ ممکن انت کہ مارا 1930ءِ مستریں کساسبازاری ءِ ءِپدا تنیگہ ءِ دراھ ءَ بدتریں اقتصادی کسادبازاری ءِ دیم چارگی انت۔آہاں گوشت کہ گہتر دگنیا ءِ حصول ءِ ھاترا دگنیا ءَ را یکجاھیں وڈ ءَ گام گیج زورگ بنت۔
