بلوچستان حکومت ءَ آیوکیں مالی سال 2020-2021 ءِ واستہ 465.528 بلین کلدار ءِ بجٹ پیش کنگ بوت، جان سلامتی ءِ شوبگ ءِ وستہ 38 بلین کلدار گیشنینتگ، بے دیمروئی بجٹ 309 بلین کلدار وھدیکہ دیمروئی بجٹ 156 بلین کلدار گیشینتگ، 934 جاڑیگیں دیمروئی اسکیم آنی واستہ 60.875بلین کلدار گیشینتگ، 1634، نوکیں دیمروئی اسکیم آنی واستہ 57.381بلین کلدار گیشینتگ، آیوکیں مالی سال 2020-21 ءِ واستہ 6840 ھالیگیں پوسٹ آنی ھم جار ، صوبائی وزیر ءِ ھزانگ میر ظہور احمد بلیدی ءِ بجٹ گشتانک

کوئٹہ۔ 20جون ( اے پی پی )صوبائی وزیر ھزانگ میر ظہور احمد بلیدی ءَ بجٹ گشتانک برائے مالی سال 2020-21 پیش کنان ءَ گوشت کہ کورونا ءِ چیلنج ءَ گوں گر ءُ چیل بوھگ ءِ واستہ یک دم بروکیں سفر ءِ بریتگ، ھمے وڑ کہ شما درست زان ات کہ اے ھوپ ءَ میاں اوستمانی ھوپ ءِ رنگ ءَ سہرا بوتگ ءُ سرجمیں دگنیا ءَ گوں ترندی ءَ شنگ ءُ تالان بوتگ، اے ھوپ ءَ پاکستان ءَ را ھم آماچ کتگ ءُ نوں ما کورونا وائرس ءِ آسر آں وتی چاگردی ءُ معاشی شوبگ آنی تہ ءَ گندگ ءَ آں ، کورونا ءِ ھوپ ءِ سبب ءَ گران بھائیں زندمان آناں رکھینگ ءُ جھل کپوکیں معیشت ءَ را برجا کنگ ءِ واستہ حکومت ءِ بلوچستان ءِ کوشست ءُ آسراتی آناں راستیں نیمگ ءَ جوانیں ءُ برجمیں رنگ ءَ کارمردی ءَ مئے حکومت ءَ جوانیں گامگیج وھد ءُ موہ ءِ سر ءَ گامگیج آنی چیر دستی ءَ گامگیج کتگ۔ حکومت بلوچستان ءَ ایوک ءَ لاک ڈائون ءِ پد ءُ رند نہ کتگ بلکینگ ءَ وتی آسراتی آنی کارمرد کنان ءَ الس آناں ریلیف ءُ جان سلامتی آسراتی پجارینگ ءِ ھاترا ھمک تک ءَ گامگیج کتگ۔ حکومت ءِ بلوچستان ءَ کورونا وائرس ایمرجنسی فنڈ ءِ بنگیج ءَ کنان ءَ ایشی ءِ واستہ 1 ارب کلدار گیشینتگ، ایشی ءِ تہ ءَ صوبائی سرکاری مزدگر آں وتی پگار آنی تہ ءَ چہ 318 ملین کلدار ءِ کمک مان کتگ۔ کورونا وائرس ءِ ٹیسٹنگ ءِکساس ءِ تہ ءَ ھمک روچ اے پڑ ءَ جوانی ءَ گوں گیشی بوھگ ءَ انت۔ ھمک روچ ءِ بنیات ءَ 1500 مردم آنی کورونا ٹیسٹ کنگ بوھگ ءَ انت ، اے کساس ءَ را گیش ودینگ ءِ واستہ گامگیج کنگ بوھگ ءَ انت۔ کورونا وائرس ءِ شکیگیں مریض آنی قرنطینہ ءُ آئیسولیشن سینٹرز جوڑ کنگ بوتگ۔ جان سلامتی آسراتی درمان ءُ سروسز ءِ وھد ءُ موہ ءِ سر ءَ پجاری ءِ واستہ میڈیکل پروکیورمنٹ کمیٹی جوڑ کنگ بوتگ، کمیٹی ءَ جان سلامتی سامان، کورونا وائرس ءِ رکھینگی پوشاک، لیبارٹری سامان ءُ مشینر ءِ پجاری ءَ را زوتیں رنگ ءَ دل یکیمی جوڑ کتگ۔ آئی ءَ گوشت کہ حکومت ءَ محکمہ اھوالکاری ءِ وسیلگ ءَ پرنٹ، الیکٹرانک ، سوشل میڈیا ءُ ریڈیو ءِ سر ءَ جوانیں رنگ ءَ سرپدی آنی شنگ ءُ تالانی بندات کتگ ایشی ءَ چہ الس آنی اندر ءَ کورونا وائرس ءَ چہ رکھینگ ءُ ایندگر مالوم داری پجاری کنگ بوھگ ءَ انت۔ بزگر آنی واستہ گہبودی ادارگ "اخوت” ءِ یکجائی کمک ءَ چہ 588.5ملین کلدار ءِ یک شل ءَ "سروزیر وام سکیم” ءِ بنگیج کنگ بوتگ، سکیم ءِ چیر دستی ءَ 25000 بزگر آناں بے سوت ءَ وام ءِ پجاری کنگ بوھگ ءَ انت۔ ٹیکس آنی رد ءَ ریلیف دیگ ءِ واستہ اپریل تا جون 2020 ارزشتی ایں سروسز سیکٹر، Electricity Duty ءُ گاڑی آنی سر ءَ استیں ٹیکسز آناں یلو کنگ بوتگ۔ سرجمیں صوبہ ءَ ازمت ءِ ھاسیں شوبگ آنی تہ ءَ Balochistan Sales Tax on Services ، الیکٹرسٹی ڈیوٹی ءُ گاڑی آنی سر ءَ استیں ٹیکسس آناں یلوئی 30 جون 2021 ءَ تاں دیم ءَ کنزینگ بوتگ۔ کورونا وائرس ءِ آماچیں ھاندان آناں راشن ءِ بھر ءُ بانگ ھم حکومت ءَ را بنجاھی حکومت ، راجی اسمبلی ءِ باسک ، اپوزیشن ءُ سیر لاپیں مردم آں ھوار کانود ءَ را مھکم داروکیں مردم آنی کمک گون بوتگ حکومت ءِ بلوچستان ءَ توامیں ضلعی انتظامی ءَ را گریب ءُ بزگریں ھاندان آناں راشن ءِ بھر ءُ بانگ ءِ واستہ زوتیں رنگ ءَ صوبگ ءِ توامیں ضلعی انتظامیہ ءَ را 985 ملین کلدار جاڑی کنگ بوتگ۔ مالی سال 2020-21 ءِ واستہ صوبائی حکومت ءَ مالی ڈکال ءَ ابید کورونا وائرس ءِ ھوپ ءَ چہ رکھگ ءِ واستہ 5۔4 ارب کلدار گیشینتگ۔ ایش صوبہ ءِ راجدپتر ءَ کجام ھم زوتیں جاور آنی گوما گر ءُ چیل بوھگ ءِ واستہ مستریں ءُ گیشتریں زرّ انت۔ صوبائی وزیر ھزانگ ءَ گوشت کہ اے شرپ مندیں ایوان ءِ دیم ءَ وتی توامیں ھمبراھ داریں گل آں ھوار اپوزیشن ء ھم شگر ءُ منت ءَ گران کہ آواں کورونا وائرس ءِ ھوپ ءَ گوں گر ءُ چیل بوھگ ءِ واستہ حکومت ءَ کوپگ داتگ۔ آئی ءَ گوشت کہ چار ءُ تپاسی بجٹ : (Budget Review 2019-20) ءِ ھوالگ ءَ گوشت کہ آیوکیں مالی سال 2021 -2020 ءِ بجٹ ءَ پیش کنگ ءَ چہ پیسر گہتر بیت کہ استیں مالی سال 2019-20 ءِ چار ءُ تپاسی کتگیں بجٹ شرپ مندیں ایوان ءِ دیم ءَ پیش بکن آں، ایشی ءَ چہ شرپ مندیں ایوان ءَ را استیں صوبائی حکومت ءِ نوکیں مالی سال 2020-21 ءِ گامگیج آنی بابت ءَ سرپد کناں۔ جاری مالی سال ءِ درستی بجٹ ءِ بنداتی کساس 419.922 بلین کلدار بوتگ۔ چار ءُ تپاسی بجٹ برائے سال 2019-20 ءِ کساس 380.327بلین کلدار بوتگ۔ مالی سال 2019-20 ءِ ھرچ ءُ درچ آنی کساس 293.579بلین روپے بوتگ، ایش چار ءُ تپاسی بوتگ کچ ءُ کساس ءَ چہ کم بوھان ءَ 27.150بلین کلدار بچیتگ۔ 2019-20 ءِ دیمروئی ھرچ درچ ءِ کساس 108.133 بلین کلدار بوتگ ایش کما بوھان ءَ 81.824 بلین کلدار بوتگ۔ بنجاھی حکومت ءَ بلوچستان ءِ Share بنجاھی ٹرانسفر 306.015 ارب ءَ کم کنان ءَ 275.979 ارب کلدار کنگ بوتگ۔ ایش گوستگیں سال ءِ رد ءَ 9.8 درسد بوتگ۔ ایشی ءَ بلوچستان ءِ ھواریں دیمروئی سیم سر آنی سر ءَ جھلانکیں مائینس رند پد نکش کتگ۔ آیوکیں مالی سال 2020-21 ءِ دیمروئی بجٹ ءِ کلی کساس 118.256بلین کلدار ھوار 12.177 بلین کلدار FPA ھوار انت۔ جاڑیگیں اسکیم آنی کلی کسا 934 ایشانی واستہ 875۔60 بلین کلدار گیشینتگ، نوکیں دیمروئی اسکیم آنی کلی کساس 1634 ایشی ءِ واستہ 381۔57 بلین کلدار گیشینگ بوتگ، آیوکیں مالی سال 2020-21 ءِ بے دیمروئی کنوکیں بجٹ ءِ کلی کساس 309 بلین کلدار انت۔ ایشی ءَ ابید حکومت ءِبلوچسستان ءَ آیوکیں مالی سال 2020-21 ءِ واستہ 6840 ھالیگیں پوسٹ آنی جار جتگ۔ آئی ءَ گوشت کہ کوئٹہ شہر ءَ استیں نواں کلی ءِ دمگ ءَ 30 نپادی نوکیں ہسپتال ءِ جوڑ کنگ بیت، ضلع قلہ عبداللہ ءِ شہر چمن ءَ نوکیں ضلعی ہسپتال ءِ کار دلجمیں رنگ ءَ سرجمی ءَ رستگ۔ صوبگ ءَ جوڑیں نوکیں میڈیکل کالجز ایشانی تہ ءَ جھلاوان ، مکران ءُ لورالائی ءَ جوڑیشتی کار آںی تہ ءَ گیشی ءُ استیں فیکلٹی ممبر آنی مارکیٹ ءِ رد ءَ پگار ءُ آسراتی آنی تہ ءَ جوانیں رنگ ءَ گیشی کنگ بوتگ۔ 18 ضلع آنی تہ ءَ نوکیں 18 گردہ آنی ڈئیلاسز سینٹرز آنی جوڑیشت۔ مئے حکومت ءِ درستاں چہ ارزشتی ایں گام پی پی ایچ آئی بلوچستان (PPHI Balochistan)میڈیکل ایمرجنسی رسپانس سینٹرز (MERC) ءِ اولی فیز ءَ کوئٹہ ۔ کراچی۔ چمن شاہراہ ءِ سر ءَ 8 میڈیکل رسپانس سینٹرز آنی جوڑیشت۔ پبلک سیکٹرز یونیورسٹیز آنی واستہ Grant in Aid ءِ رد ءَ 94۔3 بلین کلدار ایر کنگ بوتگ۔ توامیں انٹر کالج آناں ڈگری کالج ءِ درجگ دیگ بوھگ ءَ انت۔ ایشی یے واستہ پیسر ءَ چہ گشینتگیں 450 ملین کلدار ھرچ کنگ بوتگ۔ گورنمنٹ پوسٹ گریجویٹ گرلز کالج کوئٹہ کینٹ ءَ توامیں آسراتی آنی واستہ ڈیجیٹل لائبریری آنی جوڑی کنگ بیت ایشی ءِ واستہ 50 ملین کلدار گیشینگ بوتگ، دومی بھر ءِ توک ءَ گیش 5 کالج آناں ڈیجیٹل لائیبری ءِ جوڑیشت کنگ بوھگ ءَ انت۔ گوزوکیں مالی سال ءَ توامیں کیڈٹ ءُ ریزیڈنشل کالج آناں بنیاتی آسراتی ءِ پجاری ءَ را دل یکیم جوڑ کنگ ءِ واستہ یک ارب 29 کروڑ کلدار 57 کروٹ کلدار ھرچ ءُ درچ کنگ بوتگ وھدیکہ کیڈٹ کالج قلعہ عبداللہ، خاران ءُ آواران ءَیک شل ءَ کلاس بندات بوتگ انت۔ نوکیں مالی سال ءَ ضلع بارکھان ءَلورالائی یونیورسٹی ءِ جھلی کیمپس جوڑ کنگ ءِ کیمپس جوڑ کنگ ءِ شور ءُ سلاھ انت۔ آیوکیں مالی سال 2020-21 ءَ صوبگ آنی توامیں یونین کونسلز آناں ضلعی تک ءَ ودی بوھگ ءُ بیران بوھگی رجسٹریشن ءِ درج کنگ ءِ واستہ نادرا ڈیٹا بیس ءِ گوما بندوک کنگ بوتگ ءُ اے رد ءَ 515 کمپیوٹرز آنی پجاری ءَ را دل یکمی جوڑ کنان ءَ سرجمیں رنگ ءَ برجا کنگ بیت۔ آیوکیں مالی سال 2020-21 ءَ سپن کاریز ءَ ماڈل سیل ءُ سوادی پارک ءِ جوڑیشت ءِ وستہ 50 ملین کلدار گیشینگ بوتگ، مالی سال 2020-21 ءَ اے شوبگ ءِ واستہ دیمروئی ءِ رد ءَ 184۔4 بلین کلدار ءُ گیر دیمروئی ءِ رد ءَ 995۔12 بلین کلدار گیشینتگ ۔ صوبائی وزیر ھزانگ میر ظہور احمد بلیدی ءَ گوشت کہ تیاب دپ ءِ دیرموئی ءِ واستہ سیل ءُ سواد ءُ صوبگ ءِ آمدنی ءِ تہ ءَ گیشی ءِ واستہ بلوچستان کوسٹل ڈویلپمنٹ اتھارٹی ءَ را نوکیں زمانگ ءِ رد ءَ ھمگام کنگ وھدیکہ اتھارٹی ءَ لُکوکیں ساھت ءَ سیل ءُ سوادی ھند آنی ٹک ءُ نشان کنگ، Eco-Tourism ءِ دیمروئی ءِ واستہ فیزیبلٹی ءَ را دل یکیمی جوڑ کنگ ءِ واستہ گامگیج چست کتگ ایشی ءِ واستہ مالی سال 2020-21 ءَ فنڈز آنی پجاری ءَ را دل یکمی کنگ بیت۔ اولی رند ءَ ماھی کُش آنی گہبود ءِ واستہ فشرمین کوآپریٹو سوسائٹی ءِ جوڑیشت کنگ بوتگ ایشی ءِ واستہ 59 ملین کلدار گرانٹ اِن ایڈ ءِ بنگیج کنگ بوتگ۔ آیوکیں مالی سال ءِ ساھت ءَ ضلع چاغی ءِ دمگ تفتان ءَ ایل پی جی ٹرمینل ءِ جوڑیشت ءِ واستہ 300 ملین کلدار گیشینگ بوتگ، ضلع لسبیلہ ءَکستور آئل پراسسنگ یونٹ ءِ جوڑیشت ءِ وستہ 30 ملین کلدار گیشینگ بوتگ۔ وتی گشتانک ءِ گڈ ءَ آئی ءَ توامیں مردم آنی شگر ءُ منت ءَ گراں کہ آئی ءَ بجٹ ءِ تیاری ءَ کمک کتگ ءُ ایشی ءَ ھوار سر وزیر بلوچستان جام کمال خان ءِ گوں دل ءِ جھلانکاں شگر ءُ منت وار آں کہ آئی ءَ منی ءُ منی سرجمیں ٹیمب ءِ سر ءَ دل یکیمی کتگ ءُ مئے سروکی ءُ رھشونی کتگ، من ھدا ءِ دربار ءَ دعا ءُ نیک کناں کہ مارا بلوچستان ءَ را راستیں ءُ گواچنی رنگ ءَ وشھال ، دیمروئی کشگ ءَ رھادگ کنگ ءِ زکت ءَ بدیات۔ آمین