حال ءُ اھیوالکاری ءُ شنگکاری ءِ بنجاہی وزیر سینیٹر شبلی فراز ءِ نجی وی چینل ءَ گوں گپ ءُ تران

اسلام آباد ۔ 20 جون (اے پی پی) حال ءُ اھیوال کاری ءُ شنگکاری ءِ بنجاہی وزیر سینیٹر شبلی فراز ءَ گشتگ کہ ملک ءَ کورونا وائرس ءَ را شنگ بوہگءَ چہ دارگ ءَ ہوار معاشی محکمی ءِ ھاترءَ یک جوانیں پالیسی دیما آرگ بوتگ کہ عمران خان ءِ حکومت سرجمی ءَ ایشی ءِ سرءَ عمل کنگءَ اںت۔ شمبےءِ روچءَ نجی ٹی وی چینل ءَ گوں گپ ءُ تران کنانءَ آئی ءَ گشتگ کہ پاکستان یک نیزگاریں ملک اِت کہ اے مالی جیڑہ ءُ جنجالانی آماچ اِنتءُ سرجمیں لاک ڈاؤن کُت ناکنت ءُ اے وڑیں جاورھالاں ملکی معیشت ءَ نقصان دات کناں، آئی ءَ گشتگ کہ کووڈ۔19یک میاں اوستمانی جیڑہ اِت ءُ مزن وزیرعمران خان ءِ سمارٹ لاک ڈاؤن ءِ پالیسی ءَ را سرجمیں دنیاءَ ساڑاتگ۔ آئی ءَ گشتگ کہ کووڈ۔19 ءَ را شنگ بوہگءَ چہ دارگ ءِ ہوالگءَ نیشنل کمانڈ اینڈ کنٹرول سینٹر ءَ گوں تپاکی ءَ فیصلہ کنگ بنت کہ کورونا وائرس ءِنادراہ آنی پجار ءُ علاج ءِ ھاترءَ ملکی ادارگاں ٹیسٹنگ کٹ جوڑ کتگ ءُ 4800 وینٹی لیٹر ہم است اَنت بنجاہی وزیر شبلی فراز ءَ گشتگ کہ پاکستان پیپلز پارٹی ءُ پاکستان مسلم لیگ ن ءِ سروک کورونا وائرس ءِ سرءَ سیاست کنگ ءَ اَنت آ وتی کرپشن ءِ سرءَ این آر او حاصل کنگ ءِ وائشت مند اَنت،بلے مزن وزیر عمران خان ءِ ساپ ءُ ایمانداریں حکومت آیاناں پروش دنت۔