لسبیلہ ءِ تحصیل کنراج ءَ 8 کروڑ کلدار ءِ حرچ ء چہ ڈیلے ایکشن ڈیمز سرجم بوہگءَ اِںت

کوئٹہ۔ 20جون ( اے پی پی )حکومت بلوچستانءِ نیمگءَ چہ لسبیلہ ءِ تحصیل کنراج ءَ 8 کروڑ کلدار ءِ حرچءَ چہ ڈیلے ایکشن ڈیمز گشادی ءَ گوں سرجم کنگ بوہگ ءَ اِںت، ڈپٹی کمشنر لسبیلہ ڈاکٹر حسن وقار چیمہ ءَ ایکسئن ایریگیشن ڈیپارٹمنٹ نثار احمد ءِ ہمرائی ءَ ہمے جوڑ بوہوکیں منصوبہ آنی چارءُ تپاسی کتگ ءُ پراجیکٹ سائٹ ترءُ تاب ءِ موہ ءَ ڈپٹی کمشنر لسبیلہ ءَ را ساندھ ڈیلے ایکشن ڈیم ءُ وسرہ لانڈی ڈیم ءِ بازیں سیکشن آنی سرءَ جاری کار ءِ چارءُ تپاسی کتگ ، پراجیکٹ سائٹ ءِ سرءَ انجینئر ءُ سب انجینئرآں چہ شونست زُرتگ، لوہی ڈیم ءِ کار ءِ چارءُ تپاسی کتگ، ڈپٹی کمشنر ءَ را شونست ءِ تہءَ حال دیئگ بوتگ کہ کنراج ءَ 8 کروڑ ءِ حرچ ءَ چہ گوں گشادی ءَ سے ڈیم آنی سرءَ کار بوہگءَ اِںت۔ لسبیلہ ءِ ڈپٹی کمشنر ڈاکٹر حسن وقار چیمہ ءَ گشتگ کہ ایریگیشن ڈیپارٹمنٹ ءِ انجینئرآنی محنت ءُ کوشستاں چہ ڈیم پروجیکٹ ءَ را سرجم کنگ بوہگءَ اِنت، آئی ءَ گشتگ کہ لسبیلہ ءَ ڈیم آنی جوڑ کنگ ءِ کارءَ چہ آ سدک اِنت ءُ اے اُمیت ءَ کنت کہ پراجیکٹ ءِ سوبمندی ءِ ھاترءَ ہمگرانچیں محکمہ ءِ انجینئر کوالٹی میٹریل ءِ کارمرزی ءَ را الم کنگ بہ بیت پہ ہمے ھاترءَ ڈسٹرکٹ ایڈمنسٹریشن ءَ ڈیمز ءِ منصوبہ آئی تہءَ ساپ ءُ صلئی آرگ ءِ ھاترءَ مانیٹرنگ ءِ کار بندات کنگ بوتگ،لسبیلہ ءِ تحصیل کنراج مائننگ سیکٹر ءَ ابید لائیواسٹاک ءُ وائلڈلائف ءِ ہوالگءَ باز ارزشت داریت ، حکومت بلوچستان ءَ را اِدءَ مائننگ سیکٹر ءَ چہ بازیں ریونیو دست کپیت۔