نیشنل کمانڈ اینڈ آپریشن سینٹر

بیست ءُ چار کلاک آنی ساھت ءَ 6606 نوکیں کیس ، ریکاٹ 153 مرگ
سرجمیں ملک ءَ کورونا وائرس ءِ ھواریں کیس 1,71,666، بیرانی 3,382 بوت انت
اسلام آباد ۔ 20 جون (اے پی پی) سرجمیں ملک ءَ گوستگیں بیست ءُ چار کلاک آنی ساھت ءَ 31 ہزار 681 کورونا ءِ ٹیسٹ کنگ بوتگ۔ انوگ ءَ تاں سرتجمیں ملک ءَ کورونا ءِ 63 ہزار 504 مریض جان سلامت بوتگ۔ نیشنل کمانڈ اینڈ آپریشن سینٹر ءِ رد ءَ گوستگیں بیست ءُ چار کلاک آنی ساھت ءَ کورونا وائرس ءِ آماچیں 153 مردم بیران بوتگ۔ 26 فروری ءَ کورونا وائرس ءِ اولی کیس ءَ چہ پد ایش انوگ ءَ تاں بوھوکیں یک روچے اندر ءَ درستاں چہ گیشتریں مرگ / بیرانی انت۔ انوگ ءَ تاں سرجمیں ملک ءَ ایکٹو کیس آنی کساس 1 لکھ 4 ہزار 780 انت ، گوستگیں 24 کلاک آںی ساھت ءَ 6604 مردم گیش بوتگ۔ انوگ ءَ تاں سرجمیں ملک ءَ کورونا وائرس ءِ مریض آنی کساس 1 لکھ 71 ہزار 666 انت ، ایشانی تہ ءَ آزات کشمیر ءَ 803، بلوچستان ءَ 9 ہزار 162، گلگت ءَ 1 ہزار 253، اسلام آباد ءَ 10 ہزار 279 ، خیبر پختونخوا ءَ 20 ہزار 790، پنجاپ ءَ 64 ہزار216 ءُ سندھ ءَ کورونا مریض آنی کساس 65 ہزار 163 انت۔ سرجمیں ملک ءَ کورونا ءَ چہ بیران بوتگیں مردم آنی کساس 3,382 انت ایشانی تہ ءَ سندھ ءَ 1 ہزار 13 ، پنجاپ ءَ 1 ہزار 347، خیبر پختونخوا ءَ 789 ، اسلام آباد ءَ 95 ، بلوچستان ءَ 100 ، گلگت بلتستان ءَ 21 ءُ آزات کشمیر ءَ 17 بیرانی بوتگ۔ سرجمیں ملک ءَ انوگ ءَ تاں کورونا ءِ واستہ کتگیں ٹیسٹ آنی کساس 1 لکھ 42 ہزار 787 انت وھدیکہ کورونا وائرس ءِ علاج ءِ واستہ گیشینتگیں 810 ہسپتال آںی تہ ءَ 6980 مریض زیر علاج انت۔