مزن وزیر عمران خان ءِ ٹویٹ

پاکستان (مرچی) ءَ چہ میاں اوستمانی بالیگ آنی واستہ وتی بالی سیم سر آناں ادارُکی رنگ ءَ پچ کنت، پیسلہ کورونا وائرس ءِ ھوپ ءِ ساھت ءَ سک باز آماچ ءُ بزگ بوھوکیں زرّ ءَ چہ آدیم پاکستانی آنی کمک ءِ واستہ کنگ بوتگ
اسلام آباد ۔ 20 جون (اے پی پی) مزن وزیر عمران خان ءَ گوشت کہ یک شمبے ءَ چہ پاکستان میاں اوستمانی بالی سروس ءِ واستہ وتی بالی سیم سرج آناں ادارُکی رنگ ءَ پچ کنت۔ شمبے ءَ وتی ٹویٹ ءَ مزن وزیر عمران خان ءَ گوشت کہ اے پیسلہ ھاسیں رنگ ءَ زرّ ءَ چہ آدیم نندوکیں پاکستانی آنی کمک ءِ واستہ کنگ بوتگ ھما کہ اے ھوپ ءِ ساھت سک باز آماچ بوتگ انت۔ بلے آواں مزن جگری ءِ درشان کتگ۔ ایشی ءِ سر ءَ مارا پھر انت۔ مزن وزیر ءَ ڈن ملک ءَ نندوکیں پاکستانی آناں وطن ءَ واتری ءِ پد ءَ آواناں وش اتک کت۔ آئی ءَ گوشت کہ مئے حکومت آواناں ھمک تک ءَ آسراتی پجارین ایت۔ مزن وزیر ءَ گوشتکہ کہ آ کوویڈ 19- ءِ ساھت ءَ ڈن ملک ءَ نندوکیں پاکستانی برات ءُ گہار آنی کمک ءِ واستہ زرّ ءَ آدیم نندوکیں ضپاکستانی آنی جوانیں کرد ءَ را ساڑائیت۔ آئی ءَ گوشت کہ اے رنگیں بازیں واکیہ است کہ پاکستانی کمیونٹی آں چہ پیم ضلورت ءِ ساھت ءَ وتی کش ءُ کرے مردم آنی کمک کتگ ءُ دومی مردم آنی واستہ درور ایر کتگ۔