وزیراعظم عمران خان ءَ کورونا ءِ ھلاپ ءَ چست کتگیں گامگیج آں چہ الس ٹوھیں تباھی ءَ چہ رکھ اتنت، حکومت جان سلامتی ھولگ ءَ چہ ءُ کوویڈ-19 ءِ گر ءُ دار ءِ واستہ مدام تیار انت، لستیں مردم آں زوت زوتی ءَ لاک ڈائون ءِ پیسلہ کت ھمے ھاترا ھما دمگ آنی تہ ءَ ھوپ شنگ ءُ تالان بوھگ ءَ انت، مزن وزیر ءِ ھاسیں کمکار برائے سیاسی رابطہ شہباز گل ءُ ترجمان بلوچستان حکومت لیاقت شاہوانی ءِ ھمبراھی ءۓَ کوئٹہ ءَ پریس کانفرنس ءَ گوں گشتانک

کوئٹہ۔ 20 جون ( اے پی پی) مزن وزیر ءِ ھاسیں کمکار برائے سیاسی رابطہ شہباز گل ءَ گوشت کہ مزن وزیر عمران خان ءَ کورونا ھوپ ءِ ھلاپ ءَ چست کتگیں گامگیج الس ءِ گہتریں سیت ءِ واستہ کتگ انت ، وھد ءُ موہ ءِ سر ءَ گامگیج ءَ چہ ٹوھیں تباھی ءَ چہ رکھ اتگ انت ءُ حکومت جانسلامتی ھوالگ ءَ چہ ءُ کوویڈ-19 ءِ گر ءُ دار ءِ واستہ مدام تیار انت لستیں مردم آں زوت زوتی ءَ لاک ڈائون ءِ پیسلہ کت ھمے دمگ آنی تہ ءَ ھوپ ترندی ءَ گوں شنگ ءُ تالان بوھگ ءَ انت۔ کورونا ھوپ ءِ ھلاپ ءَ جنگ کنوکیں ڈاکٹرز راج ءِ پھر انت ءُ مئے ہیرو انت آوانی کوشست آناں مدام یات کنگ بیت۔ ڈاکٹر آنی گوما مئے میڈیا ورکرز ھم گیش آماچ بوھگ ءَ انت مارا اے رنگیں باسک آنی سر ءَ پھر انت آ ھمک ساھت ءَ راج ءِ جان سلامتی ءِ واستہ بے ترس ءُ بیم ءَ ڈن ءَ در کپ انت۔ ترجمان صوبائی حکومت لیاقت شاہوانی ءِ ھمبراھی ءِ کوئٹہ ءَ پریس کانفرنس ءَ گوں گشتانک دیان ءَ آئی ءَ گوشت کہ مزن وزیر ءِ پنت ءُ شون ءِ پ دءَ کوئٹہ ءَ اتکگ آں، مزن وزیر ءِ پنت ء شون بوتگ کہ وتی جان سلامتی شوبگ ءَ گوں بندوکیں مردم آنی دلبڈی ءَ کت بکن آں مزن وزیر ءِ کلوہ ءَ زوران ءَ ڈاکٹر آنی کراّ اتکگ آں، توامیں ہسپتال آنی تر ءُ تاب کتگ اچ ہسپتال آنی تہ ءَ رکھینگی کٹس آنی تہ ءَ کمی نیست بندات ءَ کورونا وائرس ءِ دو لیبارٹری بوتگ انت انوں 30 ہزار ٹیسٹ ھمک روچ بوھگ ءَ انت، فاطمہ جناح ہسپتال ءَ 100 گیش نپاد آنی گیشی کنگ بیت لورالائی ءَ ٹیسٹنگ ءِ آسراتی پجاری کنگ بوھگ ءَ انت، بنجاھی حکومت بلوچستان ءِ گوما ھمکوپگ اوشتاتگ کوئٹہ ءَ 34 درسد گس انچیں است کہ آوانی کرا ورگ ءُ نوشگ ءَ وردن نیست لستیں مردم آں زوت ءُ اشتاپ کت لاک ڈائون ءِ پیسلہ کت ایشی ءِ سبب ءَ کیس آنی تہ ءَ ترندی پیداک انت۔ مزن وزیر ءَ راج ءِ دراج بریں سیت آنی ھاترا پیسلہ کتگ آئی ءَ گوشتکہ ھمک سیاسی گل وتی لیکہ ءَ زوران ءَ ایوان ءَ کئیت انت ، ما وتی ھمبراھ داری کنوک آنی شرپ ءُ ازت ءَ کناں، سیم سر کورونا وائرس ءِ جاور ھال آنی رد ءَ بند کتگ انت۔ آیوکیں روچ آنی تہ ءَ این ایف سی ایوارڈ ءِ 30 ارب کلدار سرجم کنگ بنت کوئٹہ ءِ تر ءُ تاب ءِ موہ ءَ انچیں ڈاکٹر آنی گوما گند ءُ نند بوتگ کہ آ وت کورونا ءِ آماچ انت بلے الس ءَ را ایشی ءَ چہ رکھینگ ءِ واستہ ڈیوٹی دیگ ءَ انت۔ اے راجی بامرد آناں مزن وزیر ءِ نیمگ ءَ لائک ءِ ستا ءُ توسیپ پیش کناں۔ شہباز گل ءَ گوشت کہ مزن وزیر ءَ پنت ءُ شون داتگ کہ وتی جان سلامتی شوبگ ءَ گوں بندوکیں مردم آنی دلبڈی ءِ واستہ سرجمیں ملک ءِ جتا جتائیں دمگ آنی تر ءُ تاب ءَ بکن ھمے ھاترا مزن وزیر ءِ کلوہ ءَ زوران ءَ ڈاکٹر آنی کرا اتکگ آں ۔ کوئٹہ ءِ جتا جتائیں ہسپتال آنی تر ءُ تاب کتگ ، اچ ہسپتال ءَ کورونا وائرس ءِ رکھینگی کٹس آنی تہ ءَ کمی نیست۔ آئی ءَ گوشت کہ بندات ءَ کورونا وائرس ءِ دو لیبارٹری بوتگ نوں 30 ہزار ٹیسٹ ھمک روچ بوھگ ءَ انت ۔ ایشرا دیمترا گیش ودینگ بیت۔ کوئٹہ ءِ فاطمہ جناح ہسپتال ءَ 100 گیش نپاد آنی بندوبست کنگ بیت ءُ ایشی ءِ گوما ضلع لورالائی ءَ ٹیسٹنگ ءِ آسراتی پجاری کنگ بوھگ ءَ انت۔ شہباز گل ءَ گوشت کہ مزن وزیر ءَ راج ءَ را گیشیں سیت آںی پیسلہ کتگ، آ مدام راج ءِ سروکی ءِ واستہ دیم ءَ در کپ ایت ءُ راج ءَ را سر ءُ سوج ءُ سرپد کنت۔ اے موہ ءِ سر ءَ بلوچستان حکومت ءِ ترجمان لیاقت شاہوانی ءَ گوشت کہ انوگ ءَ تاں 287 ڈاکٹرز کورونا وائرس ءَ چہ آماچ بوتگ انت ایشانی تہ ءَ 5 شہید، 69 پیرامیڈکس آماچ بوتگ انت ایشانی تہ ءَ 3 شہید ھم بوتگ، آئی ءَ گوشت کہ انوگ ءَ تاں 6 ارب کلدار ھوپ ءَ گوں گر ءُ چیل بوھگ ءِ واستہ ریلیز کنگ بوتگ، اے رد ءَ گیش گامگیج چست کنگ بوھگ ءَ انت۔