اسلام آباد ۔ 19 جون (اے پی پی) صدر مملکت ڈاکٹر عارف علوی ءَ پروفیسر ڈاکٹر محمد تبسم افضل ءَ را کامسیٹس یونیورسٹی ءِ ریکٹر نامینتگ۔ آدینگ ءِ روچ ءَ پریزیڈنٹ گس ءِ نیمگ ءَ جاڑی بوتگیں پریس ریلیز ءِ رد ءَ صدر ءَ اے پوسٹنگ وزارت ءِ سائنس ءُ ٹیکنالوجی ءِ یک سمری ءِ بنیات ءَ کتگ۔ صدر ڈاکٹر عارف علوی کہ کامسیٹس یونیورسٹی ءِ چانسلر ھم است انت۔ آئی ءَ ریکٹر ءِ پوسٹنگ ءِ منظوری داتگ۔ پروفیسر ڈاکٹر محمد تبسم افضل ءِ پوسٹنگ کامسیٹس یونیورسٹی ءِ سینیٹ ءُ سرچ کمیٹی ءِ نیمگ ءَ شور ءُ سلاھ کتگیں سئے مردم آنی پینل ءَ چہ اے کار پکوئی ءَ کتگ۔
