اسلام آباد ۔ 19 جون (اے پی پی) بنجاھی وزیر برائے بنی آدمی ھک ڈاکٹر شیریں مزار ءَ ” کشاں چیل آنی تہ ءَ لٹ ءُ کٹ کنگ ءِ ھلاسی ءِ میاں اوستمانی روچ” ءِ موہ ءَ وتی بیان ءَ گوشت کہ حکومت چاگرد ءِ تہ ءَ لٹ ءُ کٹ ءِ ھلاسی ءِ وستہ کوشست کنگ ءَ انت ءُ مئے حکومت م کوشست کنگ ءَ انت، بلے وھد ءِ حکومت وت لٹ ءُ کٹ بہ کنت گڈا سک رد ءُ نہ وشیں ھبر ءِ بیت، چوش کہ بھارت کودکیں کشمیری آناں لٹ ءُ کٹ ءُ لگت مال کنگ ءَ انت۔ شیریں مزاری ءَ گوشت کہ مرچی کشاں چیل ءِ ھلاسی ءِ میاں اوستمانی روچ انت وھدیکہ بھارت بے شرپ ءُ بے ازت کنگ ءِ کار ءَ را کشمیر ءَ وتی وتاس ءِ رنگ ءَ کارمرد کنگ ءَ انت ایش سک باز لائک ءِ ایراد انت۔ آئی ءَ گوشت کہ 23 فروری 1991 ءِ شرمناکیں واکیہ یک درور ات، وھد ءِ بھارتی ارد آں نان پوش پورہ ءِ کوچگ ءَ بازیں مردم آں مردم آناں ھراب کت ایش میاں اوستمانی تک ءَ مرچی ڈاکیومنٹری ءِ رنگ ءَ است انت۔ آئی ءَ گوشت کہ مودی ءِ حکومت کہ ہندو وتا ءِ لیکہ ءِ سروکی ءَ کنگ ءَ کوشست کنگ ءَ انت آ ھم مقبوضہ کشمیر ءَ بنی آدمی لٹ ءُ کٹ کنگ ءَ را جاڑی دارشتگ۔
