صدر مملکت ڈاکٹر عارف علوی ءَ گوں ھاسیں کمکار برائے جان سلامتی ڈاکٹر ظفر مرزا ءِ گند ءُ نند، فیڈرل پاپولیشن ٹاسک فورس ءِ دو پیسریگیں دیوان آنی تہ ءَ دیمروئی گامگیج آنی سر ءَ چار ءُ تپاسی گرگ بوت

اسلام آباد ۔ 19 جون (اے پی پی) صدر مملکت ڈاکٹر عارف علوی ءَ گیش بوھوکیں آباتی ءِ سر ءَ وتی نہ وشی آنی درشان ءَ کنان ءَ گوشت کہ فیڈرل پاپولیشن ٹاسک فورس ءِ سر ءَ زور پر دات کہ آ ٹاسک فورس ءِ مول ءُ مراد آںی در جنگ ءِ وستہ وتی کوشست آں گیش ترند بکن انت۔ آئی ءَ اے گپ آدینگ ءِ روچ ءَ ایوان ءِ صدر ءَ مزن وزیرر ءِ ھاسیں کمکار برائے جان سلامتی ڈاکٹر ظفر مرزا ءَ گند ءُ نند ءِ موہ ءَ گوشت انت۔ اے موہ ءِ سر ءَ ٹاسک فورس ءِ دو پیسریگیں دیوان آںی دیمروئی گامگیج آنی سر ءَ چار ءُ تپاسی گرگ بوت۔ صدر ءِ مملکت ءَ اے گپ ءِ سر ءَ زور پر دات کہ آباتی ءِ تہ ءَ گیشی ءِ چاگردی ءُ معاشی آسر آنی ھوالگ ءَ الس آنی تہ ءَ زانت ءُ سرپدی آرگ ءِ ضلورت ءُ ایشی ءِ کنٹرول کنگ ءِ ضلورت ءِ سر ءَ زور پر دات۔ اے موہ ءِ سر ءَ فیڈرل پاپولیشن ٹاسک فورس ءِ سیمی دیوان زوت گوانک جنگ ءِ پیسلہ کنگ بوت تانکہ تاسک فورس ءِ سیم سر آں تاں پجگ بہ بیت۔ یات بہ بیت کہ صدر ءِ مملکت فیڈرل پاپولیشن ٹاسک فورس ءِ چیئرمین انت ءُ ڈاکٹر ظفر مرزا ءُ آزات کشمیر ءُ گلگت بلتستان ءَ ھوار توامیں صوبگ آنی حکومت ایشی یے باسک انت۔