اسلام آباد ۔ 19 جون (اے پی پی) بنجاھی وزیرر توکی کار بریگیڈئر (ر) اعجاز شاہ ءَ نیشنل ڈیفنس یونیورسٹی ، اسلام آباد ءِ تر ءُ تاب کت ءُ کمانڈ اینڈ لیڈر شپ پروگرام 2020 (سی ایل پی) ءِ شریکیں مردم آں گوں گشتانک دات۔ لیکچر ءَ ڈائریکٹر جنرل آئی ایس ایس آر اے ، این ڈی یو ، فیکلٹی ممبر ءُ کمانڈ اینڈ لیڈرشپ پروگرام ءِ شریکیں مردم آں بھر زوری کت۔ وزیر ءِ توکی کار ءَ استیں توکی سلامتی کار ءِ جیڈھ آںی سر ءَ چمشانک دات ءُ ملک ءَ سلامتی ءُ رکھینگی کار آناں دل یکیمی جوڑ کنگ ءِ واستہ حکومت ءِ نیمگ ءَ کتگیں گامگیج آنی سر ءَ چار ءُ تپاسی پیش کت۔ بنجاھی وزیر ءَ راجی ایکشن پلانج ءُ راجی توکی سلامتی پالیشی ءِ سر ءَ یک جوانیں چار ءُ تپاسی ءِ پیش کنان ءَ اے گپ ءِ جزم درشان کت کہ راجی ایکشن پلان ءِ پد ءُ رند حکومت ءِ اولی ترجی داتگیں کار انت۔ آئی ءَ گوشت کہ ناشرکاری ءِ چست ءُ ایر آنی گراف ءِ تہ ءَ یک شل ءَ کمی پیداک بوتگ۔ آئی ءَ سہرا کت کہ ناشرکاری ءِ ھوپ ءِ ھلاپ ءَ کامیاتی ریاست ءِ جوانیں پالیشی ءُ کانود ءِ مھکم داروکیں ادارگ آںی کربانی ءَ چہ در جنگ بوتگ انت۔ آئی ءَ گوشت کہ حکومت اے مشکلیں ساھت ءَ کشمیری برات آںی گوما ھمکوپگ اوشتاتگ ، ما کشمیری الس ءُ یونائیٹڈ نیشن ءِ منوگری آںی واھشت ءِ رد ءَ کشمیر ءِ جیڈھ ءِ گیواری ءِ کمک ءَ کناں۔
