مزن وزیر ءِ ساڑی بوھگ ءِ ساھت ءَ پاکستان ءُ سئے میاں اوستمانی مالیاتی ادارگ آنی درنیام ءَ 1500 ملین ڈالر ءِ مالیاتی منوگری آنی سر ءَ دست چنگل

سیکرٹرری اقتصادی کار نور احمد وھدیکہ میاں اوستمانی بنک ءِ کنٹری ڈائریکٹر پچھاموتھو ایلانگوان ءُ ایشیائی دیمروئی بنک ءِ کنٹری ڈائریکٹر مس شیائو ہونگ ءَ منوگر آنی سر ءَ دست چنگل جت
ایشیائی دیمروئی بنک ءُ ایشین انفراسٹرکچر انویسٹمنٹ بنک کوویڈ-19 ایکٹو رسپانس اینڈ ایکسپینڈیچر سپورٹ پروگرام ءِ واستہ 500،500 ملین ڈالر ءِ مالی کمک پجارین انت
اسلام آباد ۔ 19 جون (اے پی پی) مزن وزیر عمران خان ءِ ساڑی بوھگ ءِ ساھت ءَ پاکستان ءُ سئے میاں اوستمانی مالیاتی ادارگ آنی نیام ءَ 1500 ملین ڈالر ءِ مالیاتی منوگری آنی سر ءَ دست چنگل جنگ بوت۔ اے منوگری میاں اوستمانی بینک، ایشیائی دیمروئی بینک ءُ ایشیئین انفراسٹرکچر ڈویلپمنٹ بینک ءِ گوما منوگر کنگ بوتگ۔ ایشیائی دیمروئی بینک کوویڈ-19 ایکٹوق رسپانس اینڈ ایکسپینڈیچر سپورٹ پروگرام ءِ واستہ 500 ملین ڈالر ءِ مالی کمک پجاری کنت انت۔ ایشی ءِ مول ءُ مراد حکومت ءِ پاکستان ءَ را ایشی یے جان سلامتی نظام آناں گیش مھکم کنگ ءُ کورونا ھوپ ءِ چاگردی ءُ معاشی تاوان آنی تہ ءَ کمی آرگ ءِ کوشست آنی پڑ ءَ کمک پجاری کنگ انت۔ اے رنگ ءَ ایشیئن انفراسٹرکچر انویسٹمنٹ بینک ھم کوویڈ-19 ایکٹو رسپانس اینڈ ایکسپینڈیچر سپورٹ پروگرام ءِ واستہ 500 ملین ڈالر ءِ کمک فنانسنگ پجاری کنگ ءَ انت۔ ایشی ءِ مول ءُ مراد کورونا ھوپ ءِ آسر آنی گر ءُ دار کنگ ءِ حکومتی کوشست آنی تہ ءَ کمک پجاری کنگ انت۔ ایشی ءَ ابید بنی آدمی آسراتی آنی دیمروئی ءِ واستہ ضلوریگیں جان سلامتی ءُ زانشتی منصوبگ آناں مھکم کنگ، معاشی پیداوار ءِ تہ ءَ زالبول ءِ کرد ءِ دلبڈی ءُ چاگردی رکھینگ ءِ منصوبگ آنی گہتری ءُ کمک ءِ رد ءَ سیکورنگ ہیومین انویسٹمنٹس ٹو فاسٹر ٹرانسفارمیشن (شفٹ) ءِ واستہ 500 ملین ڈالر ءِ منوگری ءِ سر ءَ دست چنگل جنگ بوت۔ حکومت ءِ پاکستان ءِ نیمگ ئَ سیکرٹری اقتصادی کار نور احمد وھدیکہ میاں اوستمانی بینک ءِ کنٹری ڈائریکٹر پچھاموتھو ایلانگوان ءُ ایشیائی دیمروئی بینک ءِ کنٹری ڈائریکٹر مس شیاﺅ ہونگ ءَ منوگری آنی سر ءَ دست چنگل جت۔ اے زرّ آیوکیں لستیں ماھ آنی تہ ءَ پاکستان ءَ را پجاری کنگ بنت۔