مزن وزیر عمران خان ءَ گوں ملک ءِ نامداریں ندکار آنی گوما ویڈیو لنک ءِ وسیلگ ءَ گند ءُ نند

وزیر ءِ اھوالکاری سینیٹر شبلی فراز ءُ ھاسیں کمکار برائے اھوالکاری ءُ شنگ کاری لیفٹینٹ جنرل (ر) عاصم سلیم باجوہ ھم دیوان ءَ شریک
اسلام آباد۔ (اے پی پی) مزن وزیر عمران خان ءَ گوں ملک ءِ نامداریں ندکار آنی گوما ویڈیو لنک ءِ وسیلگ ءَ گند ءُ نند کنگ بوت۔ مزن وزیر ءِ میڈیا کارگس ءِنیمگ ءَ جاڑٰ بوتگیں ھال آنی رد ءَ اے دیوان ءِ تہ ءَ وزیر ءِ اھوالکاری سینیٹر شبلی فراز ءُ ھاسیں کمکار برائے اھوالکاری ءُ شنگ کاری لیفٹینٹ جنرل (ر) عاصم سلیم باجوہ ھم دیوان ءَ شریک اتنت۔ مزن وزیر ءَ راجی دود ءُ ربیدگ ءُ پاکستانیت ءَ را سہرا کنگ ءِ ارزشت ءِ سر ءَ زور پر دیان ءَ گوشت کہ ماڈرن رسانک در، انٹرنیٹ ءِ سر ءَ ھمک رنگیں چیز ھاسیں رنگ ءَ درئی دود ءُ ربیدگ آنی آسانی رسگ ءُ مچی ءُ ڈن ملکی کلچر ءِ سہرائی ءَ چہ مئے شرپ ءُ ازت دود ءُ ربیدگ جھل ءُ ڈلگچار بوھگ ءَ ھوار ورنا آناں وانگ ءُ زانگ ءِ پڑ ءَ سک باز جیڈھ است انت۔ آئی ءَ گوشت کہ اسلامی بامرد آنی نام ءُ کار مئے آوانی زندمان ءِ کسو چہ ما گار ءُ گستا بوھان انت۔ مزن وزیر ءَ گوشت کہ نوکیں ورنا آناں راجی پجار ءَ چہ سرپد ءُ سئیگ بکن ات، چاگردی شرپ ءُ ازت ءُ پاکستانیت ءِ دیمروئی ءِ واستہ ضلوریگ انت کہ اے بابت ءَ زوتیں رنگ ءَ گامگیج چست کنگ بہ بیت۔ آئی ءَ گوشت کہ مئے نامداریں ندکار ھماوانی نبشتانک مئے چاگرد ءِ اندر ءَ نامدار انت اے رد ءَ کلیتی کرد ءَ پیلو کت کناں۔ مزن وزیر ءَ گوشت کہ راجی دود ءُ ربیدگ ءُ پاکستانیت ءِ دیمروئی ءِ ھوالگ ءَ کوشست آناں حکومتی تک ءَ سہرائی کنگ بہ بیت۔ آئی ءَ گوشت کہ حکومت پاکستانی ٹیلی ویژن ءِ گہتری ءِ سر ءَ دلگوشی دیگ ءَ انت تانکہ پی ٹی وی راجی پجار ءَ را سہرا کنگ ءَ وتی کرد ءَ گوستگیں وھد ءِ رنگ ءَ پیلو کت بکنت۔ مزن وزیر ءَ گوشت کہ آ امیت کنت کہ پرائیوٹ چینلز ھم اے رد ءَ وتی کرد ءَ پیلو کن انت۔