اسلام آباد۔ 18 جون (اے پی پی) کوروناوائرس نا دین آن بچنگ کن ایس او پی تیا عملدرآمد و ماسک خلپروک آ بندغ آتا برخلاف ایکشن پلان نا تیاری ءِ کننگانے۔ وزیراعظم نا خصوصی کمکار عثمان ڈار انتظامیہ تون اوار سڑک آتیا پیش تما۔ ایس او پی تیا عملدرآمد کن شاری تیٹی مفت ماسک ہم بشخا و 48 گھنٹہ غان پد ماسک خلپروک آ بندغ آتا برخلاف کارروائی نا پڑوءِ کرے۔ خصوصی کمکار عثمان ڈار پارے کہ ماسک خلپروک آ بندغ تون رعایت مفک، ایس او پی تا خلاف ورزی آ جیل آ ہنوئی تمنگ مریک۔ اوپارے کہ انتظامیہ سخت کارروائی کرسا جرمانہ و سزا ایتک۔ وزیراعظم نا پارت نارداٹ الس نا رکھ انا زمواری پوروکینہ۔ عثمان ڈار پارے کہ ملک لاک ڈاؤن نا متحمل مننگ کپک، الس تینٹ احتیاط و کمک کے۔ وزیراعظم خواپک کہ الس ءِ لاک ڈاؤن کون آ حالیت آتاولدا مون تروئی تمے، ایلو السی نمائندہ غاک ہم الس نا خذمت کن پیشن پیش تمر۔
