اسلام آباد۔ 18 جون(اے پی پی) وزیراعظم نا سلاہکار واپار و ٹیکسٹائل عبدالرزاق داؤد پارینے کہ کوروناوائرس نا دین اٹی ای کامرس نا اہمیت کیہی گناودانے، پاکستان ءِ ڈیجیٹل زرگزران نا کنڈآ درسا ہِننگ وخت انا گرج ءِ۔ داخیال آتا درشانی ءِ او پنچ شنبے نادے آ ای کامرس کونسل نا دیوان نا کماشی ءِ کرسا کرے اوپارے کہ ساڑی آ سال تیٹی انٹرنیٹ نا آسان رسینگ نا سوب آن ای کامرس اٹی ترندی اٹ ودکی مسنے۔ اوپارے کہ کورونادین اٹی ای کامرس نا اہمیت کیہی گناودانے۔ پاکستان ءِ ڈیجیٹل زرگزران نا کنڈآ درسا ہِننگ وخت انااہم ءُ گرج اسے۔ اوپارے کہ ننے چنکا و نیامئی درجہ نا صںعت ءِ دنیا نا ڈیجیٹل پلیٹ فارم اتون گنڈسا مارکیٹ رسینگ نا پوسکن ءُ وارخواہی پٹوئی مریک۔
