اسلام آباد۔ 18 جون (اے پی پی) وزیراعظم نا خصوصی کمکار حوالکاری وشینکاری و چیئرمین سی پیک اتھارٹی عاصم سلیم باجوہ پارینے کہ وزیراعظم عمران خان مہالو آن سی پیک نا ہر اسہ ڈٹ ءِ پورو کننگ نا پارت کرینے، وزیر اعظم نا دا بابت پیدوار پارت ءِ کہ سی پیک نا ہر اسہ ڈٹ آ کاریم ءِ برجاتخنگے و اودے زوت آن زوت پورو کننگے، خاص وڑاٹ ہموڈٹ ہرافتے ٹی تیکنیکی یا پین اڑاند اس ارے اوفتے اولیتی بنداو تیا پورو کننگے۔ چین سی پیک ڈٹ آتیان زرگزرانی شونداری کن پوسکن آ دور انا بنامریک، سی پیک فیز ٹو انا پبی تیاری آن بناءِ کننگ والااُن۔ دا مرحلہ ٹی غٹ ڈٹ آتے ٹی شفافیت ءِ خاص وڑاٹ اولیت دوئی مریک دامرحلہ ٹی پورو مروک آ ڈٹ آک پاکستانی الس ءِ شونداری نا وارخواہی فراوان کیرہ۔ چین انا شش کمپنی تتون پاکستان نا پین معاہدہ پک مسنے، ایچ ایم سی ٹی پوسکن آ زرکاری کننگ انگ ءِ۔ معاہدہ غان صںعت آتے مون آ دننگ ملک۔ داخیال آتا درشانی ءِ او ہیوی میکنیکل کمپلیکس ٹیکسلا ٹی دود آن تران کرسا کرے۔ چیئرمین سی پیک اتھارٹی عاصم سلیم باجوہ پارے کہ معاہدہ غان صںعت آتے مون آ دننگک، سی پیک ڈٹ آتیان زرگزرانی شونداری نا پوسکن آ دور بناکیک، پراجیکٹ پاکستانی الس ءِ شونداری نا وارخواہی فراوان کیک۔ اوپارے کہ سی پیک نا ارٹ میکو مرحلہ نا رداٹ پوسکن آ ریلوے ٹریک جوڑ کننگک، حویلیاں ٹی ڈرائی پورٹ اس جوڑ کننگک، غٹ ریلوے ٹریک آتے بدل کننگک۔ گام گیج آتیان ریلوائی کٹیا کروک ءُ ادارہ اس مریک۔ اوپارے کہ چین پاکستان اٹی زرکاری ٹی است خواہی ہلنگ ءِ، پاکستان اٹی زرکاری آن ہڑتوم آ ملک آتے فائدہ مریک۔ اوپارے کہ سی پیک ہڑتوم آ ملک آتا برادرانہ تعلقداری تا عکس ءِ۔ ہڑتوم آ سنگت ہمسایہ ملک آتا تعلقداری اسہ حکومت اسکان محدود اف۔ عاصم سلیم باجوہ نا پاننگ ئس سی پیک ڈٹ آتا رداٹ صوبہ غاتے ٹی خصوصی اکنامک زون جوڑ کننگک، گام گیج آتیان زرگزران ءِ مون آ دننگک۔ روزگار ودی مریک۔ اوگڑاس حلقہ غاتا کنڈآن گمراہ کن پروپیگنڈاءِ مستردکرسا پارے کہ سی پیک ترندی اٹ اسہ حقیقت اس مرسا مون آ بننگ ءِ و داہیت ہردے آنبار عیاں ءِ کہ کوروناوائرس نا دین آن پد ہم سی پیک نا ڈٹ آتیا کاریم پورو رفتار اتون برجاءِ۔ اوپارے کہ سی پیک نا ارٹ میکو مرحلہ ٹی پین چینی کمپنی پاکستان اٹی زرکاری کیرہ ہراٹی حکومت پاکستان آ وام تا بھاریم اٹ کمتی بریک۔ اوپارے کہ کشاری مشینری ملک اٹی جوڑ کننگک ہرافتے نن پیشن آن خواہفنہ، سی پیک اسہ راستکی اس جوڑ مرسا کننگ ءِ، 8 انرجی ڈٹ پورو مسنو، گام گیج آتیان وام تیا سیبو کم مریک، فیز ٹو اٹی ریلوائی نا بنداوی پنجر ءِ شون تننگک۔
