ملخ آتا برخلاف 324609مربع کلومیٹر رقبہ غاسروے، 8335 مربع کلومیٹر رقبہ غا کنٹرول آپریشن کننگانے، نیشنل لوکسٹ کنٹرول سینٹر

اسلام آباد۔ 18 جون (اے پی پی) وزارت قومی غذائی رکھ و پٹ وپول، محکمہ کشت وکشار و پاکستان آرمی نا اسیجا ٹیمک ملک انا چندی ضلع غاتے ٹی ملخ آتا برخلاف پبی سروے و کنٹرول آپریشن کننگ ءُ۔ سس42 ضلع غاتا زہمی علاقہ غاتے ٹی 972 اسیجا ٹیم دا مہم اٹی بشخ ہلنگ ءُ ۔ داوخت اسکان 324609.69 مربع کلومیٹر (کم و ود 8.02 کروڑ ایکڑ) رقبہ غا سروے کننگانے، وخت اس کہ 8335.69 مربع کلومیٹر(کم وود 20.69لکھ ایکڑ) رقبہ غا کنٹرول آپریشن کننگانے۔ سروے و کنٹرول آپریشن اٹی 5009 آن زیات بندغ و 601 آن زیات گاڈی بشخ ہلکر۔ پنچ شنبے نادے آ نیشنل لوکسٹ کنٹرول سینٹر نا جاری کروک سرجم آتارداٹ صوبہ پنجاب اٹی تدوک آ 24 گھنٹہ ٹی 264323ایکڑ آ سروے کننگا۔ سروے و کنٹرول آپریشن اٹی 2220 بندغ(بشمول پاک فوج) و 320گاڈی بشخ ہلکر۔ داوخت اسکان مچ آ صوبہ ٹی 2.30 کروڑ ایکڑ آ سروے و 837719 ایکڑ آآپریشن کننگانے۔ صوبہ سندھ اٹی تدوک آ 24 گھنٹہ ٹی 106487 ایکڑ آ سروے و 6 ضلع(شہید بے نظیر آباد،م مٹیاری، جام شورو، حیدر آباد، سانگھڑو مٹیاری) ٹی ملخ آتا ساڑی مننگ آ 581 ایکڑ اٹی آپریشن کننگا۔ سروے و کنٹرول آپریشن اٹی 483 بندغ(بشمول پاک فوج) و 34 آن زیات گاڈی بشخ ہلکر۔مچ آ صوبہ ٹی داوخت اسکان 1.86 کروڑ ایکڑ آ سروے و 98738ایکڑ آ آپریشن کننگانے۔ صوبہ خیبر پختونخواٹی تدوک آ 24 گھنٹہ ٹی 186468 ایکڑ آ سروے کننگا و 5 ضلع(ڈی آئی خان، ٹانک،لکی مروت، کرک و خیبر)اٹی ملخ آتا ساڑی مننگ آ 2120 ایکڑ آ آپریشن کننگا۔ سروے و آپریشن اٹی 988 بندغ (بشمول پاک فوج) و 127 گاڈی بشخ ہلکر۔ مچ آ صوبہ ٹی داوخت اسکان 1.12 کروڑ ایکڑ آ سروے و 138060 ایکڑ آ آپریشن کننگانے۔ صوبہ بلوچستان اٹی تدوک آ 24 گھنٹہ ٹی 320876 ایکڑ آ سروے و 29 ضلع(خضدار، آواران، نوشکی،چاغی، گوادر، اوتھل، کیچ، پنجگور، خاران، واشک، کوئٹہ، بارکھان، ڈیرہ بگٹی، ہرنائی، جھل مگسی، بولان، قلات، قلعہ عبداللہ، قلعہ سیف اللہ، کوہلو، لورالائی، مستونگ، موسیٰ خیل، نصیر آباد، پشین، شیرانی، سوراب، صحبت پور، ژوب و زیات) اٹی ملخ آتا ساڑی مننگ آ 14722 ایکڑ آ آپریشن کننگا۔ دا آپریشن اٹی 1318 بندغ و 120 گاڈی بشخ ہلکر۔ داوخت اسکان مچ آ صوبہ ٹی 2.73 کروڑ ایکڑ آ سروے و 985276 ایکڑ آ آپریشن کننگانے، کنٹرول آپریشن اٹی ملخ آتا توننگ کن ہوائی جہاز و ہیلی کیپٹر آتا کمک اٹ 400 ایکڑ آ 2 ضلع (خوش واخبرگ ضلع زیارت) آ فضائی اسپرے ہم کننگا۔