اسلام آباد۔ 18 جون (اے پی پی) امیر البحر ایڈمرل ظفرمحمود عباسی نا کماشی ٹی نیول ہیڈکوارٹرزاسلام آباد اٹی پاک بحریہ نا کمانڈ اینڈ اسٹاف کانفرنس پنچ شنبے نادے آ اڈہلک ہراٹی ڈیہہ نا ساڑی آ سیکورٹی حالیت، پاک بحریہ نا آپریشنل تیاری، شونداری ڈٹ و ایلو اہم باندات آتا جاچ ءِ ہلنگا۔ ترجمان پاک بحریہ نا رداٹ کمانڈ اینڈ اسٹاف کانفرنس اٹی فیلڈکمانڈرآک وڈیو لنک انا کمک اٹ کانفرنس اٹی بشخ ہلکر۔ امیر البحر ایڈمرل ظفرمحمود عباسی ءِ پاک بحریہ نا جاری و آخبت نا ڈٹ آتیا سرجم حوال تننگا۔ پاک بحریہ نا سروک پاک بحریہ نا آپریشنل تیاری تیا پورو است جمی نا درشانی ءِ کرے۔ کمانڈ اینڈ اسٹاف کانفرنس اٹی ملک اٹی کوروناوائرس نا دین انا تالانی ءِ توننگ کن حکومتی پالیسی تیا عملدرآمد و چندی علاقہ غاتےٹی کمکی سرجزآتے برجاتخنگ نا عزم انا درشانی ءِ ہم کننگا۔

متعلقہ مضامینمصنف کی طرف سے مزید