اسلام آباد۔ 17 جون (اے پی پی) وزیر مملکت موسمیاتی بدلی زرتاج گل پارینے کہ بنجائی و صوبائی حکومت آن اسہ کروڑ نا فنڈز منظور کرفینے، دا فنڈز آتے کنا حلقہ گچین کاری این اے 191ڈیرہ غازی خان نا نواحی علاقہ سخی سرور نا اِرا یونین کونسل اٹی بنداوی آسراتی تیا خڑچ کننگک۔ چارشنبے نادے آ جاری ویڈیو کلہو اٹی زرتاج گل پارے کہ غٹ آن مست ای تینا حلقہ سخی سرور نا الس نا منت واری ءِ ہرفیوہ کہ اوفک مدام کنے شرف تسر و پبی سپوٹ کریر۔ اوپارے کہ ای الیکشن آن مست اوفتے تون وعدہ کریسٹ کہ ہراتم اللہ کنے ایم این اے جوڑ کرے تو ای سخی سرور نا دربار شریف نا تزئین و آرائش کن فنڈز آتامنظوری و زائر آتے کن ساف کنوئی آ دیر اکن گام گیج کیوہ و داچرجوئی ٹی ای وزیراعظم عمران خان و وزیراعلیٰ پنجاب آن اسہ کروڑ روپئی نا فنڈمنظور کرفینٹ ہرافتے سخی سرور نا اِرایونین کونسل آتے ٹی بنداو آسراتی تیا خڑچ کننگک۔ اوپارے کہ ساف کنوئی آ دیر اکن ٹربین نا ہم منظوری مسنے۔
