مچ آ ملک اٹی کوروناغان دراخہ جوڑ مروک آ ناجوڑ آتا کچ 58 ہزار 437 مس، 5 ہزار 839 پوسکن آ کیس آتا ودکی مس، این سی او سی

اسلام آباد۔ 17 جون (اے پی پی) مچ آ ملک اٹی داوخت اسکان کوروغان دراخہ جوڑ مروک آ ناجوڑ آتا کچ 58 ہزار 437ءِ، تدوک آ بیست ءُ چار گھنٹہ ٹی 5 ہزار 839 پوسکن ءُ کیس انا ودکی مسنے۔ این سی او سی نا رداٹ تدوک آ 24 گھنٹہ ٹی مچ آ ملک انا طول وعرض اٹ کورونانا 28 ہزار 117 پوسکن ءُ ٹیسٹ کننگا، آزاد کشمیر و بلوچستان اٹی اسہ ناجوڑ اس ہم وینٹی لیٹرآاف۔این سی او سی نا رداٹ مچ آ ملک اٹی کورونانا ناجوڑ آتے کن جتا کروک 1 ہزار 400 وینٹی لیٹر آتیا 499 ناجوڑ داخل ءُ ، داوخت آ پاکستان اٹی ٹوٹل ایکٹیو کوویڈ کیس آتا کچ 93 ہزار 348 ءِ وخت اس کہ مچ آ ملک اٹی کوروناناجوڑ آتا کچ 1 لکھ 54 ہزار 760 آ سرمسنے۔ اوپارے کہ آزاد کشمیر اٹی 703کورونانا ناجوڑ، بلوچستان اٹی 8 ہزار 437، گلگت بلتستان اٹی 1ہزار 164، بنجائی دارالحکومت اسلام آباد اٹی 9 ہزار 242، خیبرپختونخوا ٹی 19 ہزار 107، پنجاب اٹی 58 ہزار 239و سندھ اٹی 57 ہزار 868کوروناناناجوڑ ءُ۔ کورونا وائرس نا سوب آن مچ آ ملک اٹی مروک آ مرک آتا کچ 2 ہزار 975ءِ وخت اس کہ تدوک آ بیست ءُ چار گھنٹہ ٹی 136 مرک آتا ودکی مس۔ داوخت اسکان کورونانا سوب آن مروک آ مرک آتے ٹی سندھ اٹی 886مرک، پنجاب اٹی 1 ہزار 449، خیبرپختونخوا ٹی 731، اسلام آباد اٹی 90، بلوچستان اٹی 89، گلگت بلتستان اٹی 17و آزاد کشمیر اٹی 13 مرک مس۔ داوخت اسکان مچ آ ملک اٹی کل 9 لکھ 50 ہزار 782 ٹیسٹ کننگا۔ مچ آ ملک اٹی کورونا کن جتا کروک آ ہسپتال آتے ٹی 7 ہزار 862 ناجوڑ داخل ءُ۔