اسلام آباد۔ 17 جون (اے پی پی) وزیراعظم نا خصوصی کمکار جان جوڑی ڈاکٹر ظفرمرزا پارینے کہ جہانی ادارہ جان جوڑی (ڈبلیو ایچ او) برطانیہ ٹی چندی ہسپتال آتے ٹی درمان مروک آ کورونانا ناجوڑ آتیا ڈیکسا میتھاسون پنی آ سٹیرائیڈ دوائی ءِ کاریم اٹ ایسونے ہرانا جوان ءُ بھرم اس دوئی مسنے۔ چارشنبے نادے آ تینا ٹویٹ اٹی اوپارے کہ بنائی وڑاٹ کلینیکل ٹرائل اٹی ڈیکسا میتھا سون پنی آ کورٹیکو سٹیرائیڈ نا کاریم اٹ اتنگ کورونانا ناجوڑ آتے کن زندانا سوب مسنے۔ کوویڈ۔ 19 نا بھاز ناجوڑانگا مریض تیا ڈبلیو ایچ او نا کمک اٹ آکسفورڈ یونیورسٹی نا جان جوڑی نا چاہندارآک دا دوائی ءِ کاریم اٹ ایسُر ہراڑآن کورونانا ناجوڑ آتے ٹی مرک آتا کچ اٹی کم وود اسہ تہائی اسکان کمتی بسنے۔ داکان بیدس جان جوڑی نا چاہندار، ڈبلیو ایچ او نا ڈائریکٹر جنرل، ڈاکٹر ٹیڈروس اڈھنوم گریبیسس پارینے کہ دا اولیکو درمان ءِ ہراٹی کوویڈ۔ 19 نا ناجوڑ آتے ٹی مرک انا کچ کم مسنے دنیا کن دا بھلو خوشخبری اسے۔ ’’ڈیکسا میتھاسون‘‘ اسہ سٹیرائیڈاسے ہرادے 1960ء نا دہائی آن کاریم اٹ اتنگ انگ ءِ، ہراٹی چندی حالیت آتے ٹی سوزش ءِ کم کننگ مریک، ہراٹی سوزش نا خرابی و گڑاس کینسر اوار ءُ۔ دا متعدد فارمولیشن آتے ٹی 1977ء آن پد آن ڈبلیو ایچ او نا چاہندار فہرست لوازمہ غاتا فہرست اٹی اوار ءِ و فی الحال زیات پیٹنٹ و گیشتر ملک آتے ٹی اڑزان ملنگ ءِ۔ پولکار آک ڈبلیو ایچ او تون آزمائشی بھرم تا بارواٹ بنائی بصیرت ناشریداری اس کریر۔ و نن بروک آ دے تیٹی ڈیٹا نا پورو جاچ انا چاری اُن۔ ڈبلیو ایچ او نا کلینیکل گائیڈنس ءِ دا ہیت انا عکاسی ءِ کننگ کن اپ ڈیٹ کننگک کہ کوویڈ۔ 19 اٹی منشیات ءِ ہراوڑ و ہراتم کاریم اٹ اتنگے۔ ڈبلیو ایچ او ریسرچ اینڈ ڈویلپمنٹ بلیو پرنٹ جنیوا میٹنگ فروری نا نیمہ ٹی کوویڈ۔ 19 کن جان جوڑی نا ٹیکنالوجی تے ترند کننگ کن اڈ ہلکوسس ہراٹی سٹیرائیڈ آتا کاریم اٹ اتنگ آ پین پٹ وپول ءِ اولیت نا وڑاٹ اوار کننگاسس۔ دافتا بھرم، ترتیب و کنٹرول ٹرائل آتا اہمیت ءِ سوگوی رسینگانے ہرا عمل نا قابل شاہدی اس پیش کیک۔
