کوروناوائرس نا پوسکن آ کیس آتا کچ اٹی کمتی، بیست ءُ چار گھنٹہ ٹی 805 پوسکن ءُ کیس رپورٹ، مچ آ ملک اٹی ایکٹیو کیس آتا کچ 89،692، دراخہ جوڑ مروک آتا کچ 56،390 مس، نیشنل کمانڈ اینڈ آپریشن سینٹر

اسلام آباد۔ 16 جون (اے پی پی) تدوک آ 2 دے اٹی کوروناوائرس نا پوسکن آ کیس آتا کچ اٹی کمتی مون آ بسنے۔ تدوک آ بیست ءُ چار گھنٹہ ٹی 805 کیس رپورٹ مس وخت اس کہ 14 جون آ کیس آتا کچ 5 ہزار 248ئس۔ نیشنل کمانڈ اینڈ آپریشن سینٹر (این سی او سی) نا رداٹ تدوک آ بیست ءُ چار گھنٹہ ٹی کورونا نا 25 ہزار 15 ٹیسٹ کننگا۔ داوخت اسکان مچ آ ملک اٹی دا ناجوڑی آن دراخہ جوڑ مروک آ ناجوڑ آتا کچ 56 ہزار 390ءِ ۔ آزاد کشمیر و بلوچستان اٹی اسہ ناجوڑ اس ہم وینٹی لیٹرز آ اف۔ مچ آ ملک اٹی کوروناوائرس نا ناجوڑ آتے کن جتا 1 ہزار 400 وینٹی لیٹرز آن 482وینٹی لیٹرز آتیا ناجوڑ آتے تخنگانے۔ داوخت آ مچ آ ملک اٹی کل ایکٹیو کیس آتا کچ 89ہزار 692ءِ وخت اس کہ تدوک آ بیست ءُ چار گھنٹہ ٹی دا کچ اٹی 4 ہزار 443 ناجوڑ آتا ودکی مس۔ داوخت اسکان مچ آ ملک آن کل 1 لکھ 48 ہزار 921 کیس رپورٹ مسنے۔ آزاد کشمیر اٹی 663، بلوچستان اٹی 8 ہزار 327، گلگت بلتستان اٹی 1 ہزار 143، اسلام آباد اٹی 8 ہزار 857، خیبر پختونخوا ٹی 18 ہزار 472، پنجاب اٹی 55 ہزار 878کیس و سندھ اٹی کوروناناجوڑ آتا کچ 55 ہزار 581 ءِ۔ داوخت اسکان داناجوڑی آن کل 2 ہزار 839مرک مسنے۔ ہرافتے ٹی تدوک آ 24 گھنٹہ ٹی 111 مرک آتا ودکی مس سندھ اٹی 853، پنجاب اٹی 1 ہزار 81، خیبرپختونخواٹی 707، اسلام آباد اٹی 83، بلوچستان اٹی 85، گلگت بلتستان اٹی 17و آزاد کشمیر اٹی داوخت اسکان 13 مرک مسنے۔ کل 9 لکھ 22 ہزار 665 کورونا نا ٹیسٹ کننگانے و مچ آ ملک اٹی کوروناوائرس آن زہمی بندغ آتا درمان کن 820 جتا ہسپتال آتے ٹی 8 ہزار 431 ناجوڑ داخل ءُ۔