اسلام آباد۔ 16 جون (اے پی پی) قومی احتساب بیورو(نیب) انا چیئرمین جسٹس (ر) جاوید اقبال پارینے کہ جہانی اقتصادی فورم و ٹرانسپیرنسی انٹرنیشنل مخلوق ءِ وڈی خوری نا مضر زہم تا بابت آگاہی ودی کننگ آ نیب انا آگاہی حکمت عملی نا ستاءِ کرینو، دا نیب انا شاندار سرسہبی اسے۔ دا حکمت عملی نا رداٹ نیب چندی سرکاری ادارہ، غیر سرکاری تنظیم، میڈیا، سوسائٹی و راج انا ایلو تپہ غاتون اواری اٹ کاریم کننگ ءِ مچ آ ملک انا اسکول و کالج آتے ٹی ورناتے وڈی خوری نا خراب انگا زہم تیان معلومدار کننگ کن 50 ہزار آن زیات کڑدسازی نا انجمن جوڑ کننگانے۔ داخیال آتا درشانی ءِ او نیب ہیڈکوارٹرز اٹی نیب انا آگاہی و تدارک نا حکمت عملی نا جاچ دیوان آن تران کرسا کرے۔ چیئرمین نیب جسٹس جاوید اقبال پارے کہ جہانی اقتصادی فورم و ٹرانسپیرنسی انٹرنیشنل کون آ متبر قومی و جہانی ادارہ غاک نیب انا وڈی خوری نا مضر زہم تا توننگ کن آگاہی و تدارک نا حکمت عملی نا ستاءِ کرینو، دا نیب انا شاندار سرسہبی اسے۔ اوپارے کہ نیب انا گچین آگاہی و تدارک نا حکمت عملی نا سوب آن دا فعال و متبر ءُ ادارہ اس مسنے۔ پلڈاٹ، مشعال پاکستان، ٹرانسپیرنسی انٹرنیشنل، جہانی اقتصادی فورم کون آمتبر قومی و جہانی ادارہ غاک تینا سروے ورپورٹ آتے ٹی دانا کارکڑد انا ستاءِ کرینو۔ اوپارے کہ نیب آخبت اٹ ہندا عزم و حوصلہ اٹ آگاہی و تدارک نا پالیسی ءِ برجاتخک۔ نیب ءِ نیب آرڈیننس نا سیکشن 33 نا رداٹ وڈی خوری نا بابت خراب انگا زہم تیان آگاہی و تدارک نا اختیار ءِ، نیب جتا سرکاری ادارہ، غیر سرکاری تنظیم، میڈیا، سوسائٹی و راج انا ایلو تپہ غاتون اواری اٹ کاریم کننگ ءِ۔ اوپارے کہ راج انا چندی تپہ غاتیان مثبت ردعمل تون اوار اوار نیب انا میڈیا ونگ مفت پرنٹ، الیکٹرانک و سوشل میڈیا نا کمک اٹ نیب انا آگاہی و تدارک نا مہم کرپشن فری پاکستان آ ایمان ءِ تالان کرینے ہرانا راج انا غٹ تپہ غاک ستاءِ کرینو۔ اوپارے کہ نیب انا ساڑی انتظامیہ آگاہی وتدارک مہم کن مندرجہ ذیل گام گیج آتے کرینے۔ نیب انا کوشست آتا سوب آن مچ آ ملک اٹی مخلوق ءِ وڈی خوری نا مضر زہم تیان معلومدار کننگ کن غٹ شیڈول بینک آتا غٹ اے ٹی ایم سکرین تیا نیب انا کلہو’’وڈی خوری آن انکار‘‘ چلینگک۔ نیب ورناتے وڈی خوری نا خراب انگا زہم تیان معلومدار کننگ کن نیب ہائیر ایجوکیشن کمیشن تون مفاہمت نا یات داشت آ دستخط کرینے۔ مچ آ ملک انا اسکول وکالج آتے ٹی ورناتے وڈی خوری نا خراب انگا زہم تیان معلومدار کننگ کن 50 ہزار آن زیات کڑد سازی نا انجمن جوڑ کننگانے۔ نیب و ایس این جی پی ایل آئیسکو لیسکو گیپکوفیسکو و کے الیکٹرک نا نیام اٹ کمک اٹ گیس و بجلی نا بل تیا وڈی خوری نا منفی زہم تیان آگہی نا کلہو ءِ پرنٹ کننگ انگ ءِ۔ نیب انا کمک اٹ اسلام آباد ٹریفک پولیس 24 لکھ ڈریونگ لیسن تیا نیب انا وڈی خوری آن انکار نا کلہو ءِ پرنٹ کننگ ءِ۔ انسداد وڈی خوری نا جہانی دے انا وخت آ نیب پی ٹی اے نا کمک اٹ مچ آ ملک اٹی چندی موبائل کمپنی تا کمک اٹ غٹ موبائل فون سبسکرائبر آتسکان وڈی خوری آن انکار نا کلہو ءِ سرکرے ۔
