اسلام آباد۔ 16 جون (اے پی پی) چیئرمین سینیٹ پاکستان انسٹیٹیوٹ آف پارلیمانی سروسز(پپس) اٹی سرکاری آفیسر آتا ٹریننگ نا ڈٹ انا منظوری ءِ تسنے۔ سینیٹ سیکرٹریٹ نا رداٹ پپس سرکاری ملازم و کیریئر آفیسر آتے تربیت نا زمواری ءِ ہم ہرفے۔ پپس ایکٹ اٹ ترمیم نا بابت چیئرمین سینیٹ نا کماشی ٹی دیوان اس مس۔ چیئرمین سینیٹ سرکاری ملازم و پارلیمنٹ نا نیام اٹ رابطہ غاتا مون آ دننگ ءِ المی گوندانے۔ اوپارے کہ پپس اٹی ٹریننگ آن سرکاری ملازم آتے پارلیمانی باندات آتے پہہ مننگ اٹ کمک ملک۔ ننا مسخت ادارہ غاتا نیام اٹ پائیدار تعلقدار استوار کننگ ناءِ۔ ہیلکاری پروگرام آن درکار مسخت آتا دوئی کننگ اٹ یقینا کمک ملک۔ ہیلکاری آفیسر آتا پنداری غٹ چیف سیکرٹری واسٹیبلشمنٹ ڈویژن نا کمک اٹ مریک۔ اولیکو مرحلہ ٹی گریڈ 17 نا 40 آفیسر آتے ٹریننگ تننگک۔ چیئرمین سینیٹ پی آئی پی ایس اٹی بھرتی تے ہم زوت آن زوت پورو کننگ نا پارت کرینے۔
