اسلام آباد۔ 16 جون (اے پی پی) بنجائی حکومت بروک آ مالی سال 2020-21ء نا بجٹ نا سرکاری بشخ انا شونداری پروگرام (پی ایس ڈی پی) نا رداٹ بلوچستان کن خزانہ ڈویژن نا چار جاری و پوسکن آ ڈٹ آتے کن 2000.647 ملین روپئی جتا کننگانے۔ پی ایس ڈی پی نا حساب وکتاب نا رداٹ خزانہ ڈویژن نا صوبہ بلوچستان اٹی چارجاری و پوسکن آ ڈٹ آتے کن 2000.647 ملین روپئی جتا کرینے دافتے ٹی کیڈیٹ کالج خاران نا جاری ڈٹ نا تفنگ کن 349.647ملین روپئی جتا کننگانے وخت اس کہ ڈٹ آ جم وڑاٹ 1209.990ملین روپئی خڑچ بریک۔ گوادر ڈویلپمنٹ اتھارٹی نا جاری ڈٹ آتے کن 800 ملین روپئی جتا کننگانے وخت اس کہ ڈٹ آ جم وڑاٹ 2500 ملین روپئی خڑچ بریک ۔ گوادر سیف سٹی نا جاری ڈٹ آتے کن 600 ملین روپئی جتا کننگانے وخت اس کہ ڈٹ آ جم وڑاٹ 2269ملین روپئی خڑچ بریک۔ ڈویلپمنٹ آف زیارت ٹاؤن نا پوسکن آ ڈٹ آتے کن 200 ملین روپئی جتا کننگانے وخت اس کہ ڈٹ آ کل خڑچ انا کساس 1200 ملین روپئی خلنگانے۔ خزانہ ڈویژن نا دا چار ڈٹ آتے کن بروک آ مالی سال انا بجٹ اٹی 2000.647 ملین روپئی جتا کننگانے۔ دا ڈٹ آتیا جم خڑچ انا کساس 60899.990ملین روپئی ءِ۔
