اسلام آباد۔ 16 جون (اے پی پی) بنجائی وزیر ڈٹ بندی، شونداری، اصلاحات و خصوصی گام گیج اسد عمر نا کماشی ٹی نیشنل کمانڈ اینڈ آپریشن سینٹر اٹی دیوان اس اڈ ہلک ہراٹی آزاد کشمیر و گلگت بلتستان تون اوار صوبائی چیف سیکرٹریک ویڈیو لنک انا کمک اٹ بشخ ہلکر۔ دیوان اٹی صوبہ غاتا این سی او سی ءِ کورونا ایس او پی تا خلاف ورزی و مچ آ ملک انا مخصوص علاقہ غاتے ٹی سمارٹ لاک ڈاؤن آ حوال تننگا۔ سے شنبے نادے آ بریفنگ اٹی پاننگاکہ مچ آ ملک اٹی 24 گھنٹہ ٹی ایس او پی تا 12400 خلاف ورزی کننگا ہراڑآ 24 گھنٹہ ٹی 1512 مارکیٹ، دوکان، 14انڈسٹریل یونٹ آتے جرمانہ و سِیل کننگا۔ تدوک آ 24 گھنٹہ ٹی مچ آ ملک اٹی 1466ٹرانسپورٹر آتے جرمانہ کننگا۔ 24 گھنٹہ ٹی اسلام آباد اٹی ایس او پی تا 364 خلاف ورزی رپورٹ مس۔ ہرانا رداٹ 154 دوکان سِیل، 147 گاڈی تے جرمانہ کننگا۔ تدوک آ 24 گھنٹہ ٹی آزاد کشمیر اٹی ایس او پی تا 865 خلاف ورزی،آزاد کشمیر اٹی 153 مارکیٹ، دوکان سِیل، 321 گاڈی تے جرمانہ کننگا۔ گلگت بلتستان اٹی 24 گھنٹہ ٹی ایس او پی تا 218 خلاف ورزی رپورٹ مسنے ہراڑآ گلگت بلتستان اٹی 48 مارکیٹ و دوکان سِیل، 53 ٹرانسپورٹرآتے جرمانہ کننگا۔ بریفنگ اٹی پاننگاکہ تدوک آ 24 گھنٹہ ٹی خیبر پختونخوا ٹی ایس او پی تا 5336 خلاف ورزی رپورٹ مس ہرانا رداٹ 257 مارکیٹ و دوکان سِیل و 104 ٹرانسپورٹرآتے جرمانہ کننگا۔ پنجاب اٹی تدوک آ 24 گھنٹہ ٹی ایس او پی تا 3682 خلاف ورزی رپورٹ مس ہراڑآ مچ آ صوبہ ٹی 655 مارکیٹ، دوکان، انڈسٹریل یونٹ سیل و 801 گاڈی تے جرمانہ کننگا۔ سندھ اٹی 24 گھنٹہ ٹی سندھ اٹی ایس اوپی تا 860 خلاف ورزی رپورٹ مس ہراڑآ مچ آ صوبہ ٹی 41 مارکیٹ، دوکان سِیل، 7 گاڈی تےجرمانہ کننگا۔ بلوچستان اٹی تدوک آ 24 گھنٹہ ٹی ایس او پی تا 1075 خلاف ورزی رپورٹ مس ہراڑآ مچ آ صوبہ ٹی 104 مارکیٹ و دوکان تے سِیل کننگا۔
