اسلام آباد ۔ 15 جون (اے پی پی) بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ حکومت سرجمیں ملک ءَ کورونا وائرس ءِ شنگ ءُ تالان ءِ گر ءُ دار ءِ واستہ راستی آنی پد ءَ پالیشی آنی سر ءَ گامگیج کنگ ءَ انت۔ میڈیا ءَ گوں تران کنان ءَ آئی ءَ گوشت کہ نیشنل کمانڈ اینڈ آپریشزن سنٹر ھمک روچ ءِ بنیات ءَ جاور ھال آنی سر ءَ چار ءُ تپاسی گران ءَ پیسلہ کنگ ءَ انت۔ آیوکیں مال ءَ کورونا وائرس ءِ مریض آنی کساس ءِ تہ ءَ امیت بوتگیں گیشی ءِ رد ءَ حکومت ءِ نیمگ ءَ استیں تیاری آنی ھوالگ ءَ آئی ءَ گوشت کہ دگنیا ءَ جان سلامتی ءِ اچ نظام اے رنگیں ٹوھیں ڈکال آنی گوما دیم پہ دیمی کت نہ کنت پدا ھم حکومت ءَ جاور ھال آناں جوانیں رنگ ءَ گیش ءُ گیوار کنگ ءِ واستہ جوانیں کوشست کنت۔ سینیٹر شبلی فراز ءَ گوشت کہ اے آسراتی آنی تہ ءَ وینٹی لیٹر آنی کساس 2800 ءَ چہ گیش ودینان ءَ 4800 کنگ بوتگ وھدیکہ گیش 1400 وینٹی لیٹر آنی انتظامی کنگ بوھگ ءَ انت۔ آئی ءَ گوشت کہ بنجاھی دارالحکومت ءِ ہسپتال آنی تہ ءَ 800 بیڈز آنی گیشی کنگ بوتگ۔ ایشی ءَ ابید خیبر پختونخوا ءُ پنجاپ ءَ آکسیجن والائیں نپاد Oxygenated بیڈز آنی پجاری ھوار انت۔
