اسلام آباد۔ 15 جون (اے پی پی) وزارت قومی غذائی رکھ و پٹ وپول، محکمہ کشت وکشار و پاکستان آرمی نا اسیجا ٹیمک ملک انا چندی ضلع غاتے ٹی ملخ آتا برخلاف پبی سروے و کنٹرول آپریشن کننگ ءُ۔ 40 ضلع غاتا زہمی علاقہ غاتے ٹی 1288 اسیجا ٹیمک دا مہم اٹی بشخ ہلنگءُ۔ داوخت اسکان 287976 مربع کلومیٹر (کم و ود7.11 کروڑ ایکڑ) رقبہ غا سروے کننگانے، وخت اس کہ 6230 مربع کلومیٹر (کم وود15.39 لکھ ایکڑ) رقبہ ٹی کنٹرول آپریشن کننگانے۔ دوشنبے نادے آ نیشنل لوکسٹ کنٹرول سینٹر نا جاری کروک سرجم حوال آتارداٹ صوبہ پنجاب اٹی تدوک آ 24 گھنٹہ ٹی 2.02لکھ ایکڑ آ سروے کننگا۔ سروے و کنٹرول آپریشن اٹی 2800 آن زیات بندغ و 272 گاڈیک بشخ ہلکر۔ داوخت اسکان مچ آ صوبہ ٹی 1.5 کروڑ ایکڑ آ سروے و 3.7 لکھ ایکڑ آ کنٹرول آپریشن کننگانے۔ صوبہ سندھ اٹی تدوک آ 24 گھنٹہ ٹی 120093 ایکڑ آ سروے کننگا و 3 ضلع(گھوٹکی، سانگھڑ، مٹیاری، شہید بے نظیر آباد، شکارپورو سکھر) اٹی ملخ آتا ساڑی مننگ کنفرم مننگ آ 1235.53 ایکڑ اٹی انسداد ملخ آپریشن کننگا۔ سروے و کنٹرول آپریشن اٹی 382بندغ(بشمول پاک فوج) و 31 آن زیات گاڈی بشخ ہلکر۔ مچ آ صوبہ ٹی داوخت اسکان 1.9 کروڑ ایکڑ آ سروے و 97853.7 ایکڑ آ آپریشن کننگانے۔ صوبہ خیبر پختونخوا ٹی تدوک آ 24 گھنٹہ ٹی 175692 ایکڑ آ سروے کننگا و 8 ضلع (ڈی آئی خان، ٹانک، ساؤتھ وزیرستان، نارتھ وزیرستان، لکی مروت، کرک، کرم، اورکزئی، پشاور وخیبر) اٹی ملخ آتا ساڑی مننگ آ 2472.05ایکڑ آ انسداد ملخ آپریشن کننگا۔ سروے و آپریشن اٹی 758 بندغ(بشمول پاک فوج) و 78 گاڈی بشخ ہلکر۔ مچ آ صوبہ ٹی داوخت اسکان 10710536ایکڑ آ سروے و 132696ایکڑ آ آپریشن کننگانے۔ صوبہ بلوچستان اٹی تدوک آ 24 گھنٹہ ٹی 272063ایکڑ آ سروے و 29 ضلع (خضدار، آواران، نوشکی، چاغی، گوادر، لسبیلہ، کیچ، پنجگور، خاران، واشک، کوئٹہ، بارکھان، ڈیرہ بگٹی، دکی، ہرنائی، جعفرآباد، جھل مگسی، بولان، قلات، قلعہ عبداللہ، قلعہ سیف اللہ، کوہلو، لورالائی، مستونگ، موسیٰ خیل، نصیر آباد، پشین، سبی، سریاب،صحبت پورو، ژوب وزیارت) اٹی ملخ آتا ساڑی گری آ 14096.6 ایکڑ آ آپریشن کننگا۔ دا آپریشن اٹی کم و ود 1318 بندغ و 126 گاڈی بشخ ہلکر۔ ضلع پشین نا علاقہ اجرام اٹی فصل آتے ملخ آتیان بچفنگ کن پاک فوج نا ہیلی کیپٹر آتا کمک ہم تننگانے۔ داوخت اسکان مچ آ صوبہ ٹی 2.6 کروڑ ایکڑ آ سروے و 939000.4 ایکڑ آ آپریشن کننگانے۔ کنٹرول آپریشن اٹی ملخ آتا توننگ کن ہوائی جہاز و ہیلی کیپٹر آتا کمک اٹ فضائی اسپرے ہم کننگ انگ ءِ۔
