شاریک ٹیل فون یا موبائل کال تیا تینا جند انا بینک، اے ٹی ایم یا کریڈیٹ کارڈز آتا بارواٹی ہچ کس ءِ معلومداری تفس، ترجمان اسٹیٹ بینک

اسلام آباد۔ 15 جون (اے پی پی) اسٹیٹ بینک آف پاکستان اسہ وار ولدا شاری تے فراڈ کال آتیان ہوشیار مننگ نا پارت کرینے۔ اسٹیٹ بینک انا ترجمان تینا ٹویٹ و منسلکہ ویڈیو ٹی شاری تے پارینے کہ او ٹیل فون یا موبائل کال تیا تینا جند انا بینک، اے ٹی ایم یا کریڈٹ کارڈآتا بارواٹی ہچ کس ءِ معلومداری تفس۔ ترجمان پارے کہ شاریک دارداٹ اسٹیٹ بینک آف پاکستان نا ہیلپ لین 021111727273یا ای میل آ داوڑنا کال آتا سرجم آتے دمدستی وڑاٹ [email protected]آ رپورٹ کیر۔