اسلام آباد۔ 15 جون (اے پی پی) سی پیک پاکستان نا راجی و زرگزرانی شونداری ٹی پبی کڑد ادا کرینے۔ پاکستان اکنامک سروے (پی ای ایس)2019-20ء نارداٹ سی پیک نا ارلی ہارویسٹ ڈٹ آک ہندی مخلوق کن بالواسطہ 85،000آن زیات ملازمت ودی کرینو، نیز سی پیک نا رداٹ خصوصی اقتصادی علاقہ غاتے ٹی روزگار نا پین وارخواہی ودی مننگ نا بھلو گمان اس ارے وخت اس کہ صنعتی یونٹ آتا شونداری و تکنیکی کمکاری ءِ سی پیک نا ارٹ میکو مرحلہ ٹی خاص اولیت تننگک۔ پاکستان اکنامک سروے گوادر بندرگاہ نا اہمیت ءِ ہم پیدوار وڑاٹ تالان کرینے ہراٹی گوادر بندرگاہ ءِ جہانی آب انا سمندری مرکز مننگ نا گمان ظاہر کننگانے داکان بیدس داڑآن علاقائی رابطہ سازی ءِ ہم مون آ دننگک و دانا کمک اٹ زرگزرانی نمو ٹی ترندی بریک۔ داکان بیدس پاکستان اکنامک سروے ٹی سی پیک اتون گنڈوک روڈ ڈٹ آتا عمل اٹ نیشنل ہائی وے اتھارٹی (این ایچ اے) نا کڑد انا ستا ءِ کننگانے وخت اس کہ داہیت ذکر انا قابل ءِ کہ سی پیک دیکی روٹ آ عملدرآمد نا عمل جوانی اٹ برجاءِ۔ دا سروے ٹی سی پیک اتون گنڈوک ڈٹ آتا نمان پیشرفت ءِ ہم تالان کرسا پاننگاکہ سی پیک اتون گنڈوک پن بجلی و کولاغا تالان ڈٹ آک شونداری نا پیشگی مرحلہ غاتے ٹی ءُ و 2020-22ء ٹی داایسرنا مرحلہ اسکان سرمریرہ۔
