اسلام آباد۔ 15 جون (اے پی پی) مچ آ ملک اٹی ملخ آتا برخلاف آپریشن نا رداٹ تدوک آ 24 گھنٹہ ٹی 3 لکھ 12 ہزار ایکڑ رقبہ نا سروے مس وخت اس کہ 6 ہزار 800 ایکڑ رقبہ غا ملخ آتے تلف کروک آ دوائی تا اسپرے کننگا۔ نیشنل ڈیزاسٹرمینجمنٹ اتھارٹی نا ترجمان نا رداٹ داوخت آ ملک انا 40 ضلع غاتے ٹی ملخ آک اریر۔ بلوچستان نا 29، خیبر پختونخوانا 8 و سندھ انا 3 ضلع ملخ آتیان زہمی مسنو۔ بلوچستان اٹی خضدار، آواران، نوشکی، چاغی، گوادر، اوتھل، کیچ، پنجگور، خاران، واشک و کوئٹہ غان بیدس ایلو ضلع غاک ہم زہمی مسنو۔ کے پی ٹی ڈیرہ اسماعیل خان، ٹانک، قطبی و سویلی وزیرستان ، لکی مروت، کرک، کرم، نوشہرہ، اورکزئی و خیبر، سندھ اٹی شہید بے نظیر آباد، مٹیاری وجامشورو ٹی ملخ آتیان زہمی مسروخت اس کہ تدوک آ دے پنجاب نا اسہ ضلع اسے ٹی ہم ملخ آتاحوال ملانے۔ ترجمان نا رداٹ ملخ آتا زہمی علاقہ غاتا سروے و کنٹرول آپریشن برجاءِ۔ 1288 اسیجا ٹیم لوکسٹ کنٹرول آپریشن اٹی بشخ ہلکر۔ تدوک آ 24 گھنٹہ ٹی 3 لکھ 12 ہزار ایکڑ رقبہ نا سروے مس وخت اس کہ 6 ہزار 800 ایکڑ رقبہ غا ملخ آتے تلف کروک آ دوائی تااسپرے کننگا۔ ترجمان نا رداٹ بلوچستان اٹی 5 ہزار 300 ایکڑ رقبہ غا اسپرے کننگا۔ خیبر پختونخواٹی 1000 ایکڑ رقبہ نا ٹریٹمنٹ مس۔ سندھ اٹی تدوک آ دے 500 ایکڑ رقبہ ٹریٹمنٹ کننگا۔ داوخت اسکان مچ آ ملک اٹی 5 لکھ 96 ہزار ایکڑ رقبہ غا اسپرے کننگانےداوکت اسکان مچ آ ملک اٹی 6 لکھ 23 ہزار ایکڑ رقبہ غا سپرے کننگانے۔
