اسلام آباد۔ 15 جون (اے پی پی) چیئرمین سینیٹ محمد صادق سنجرانی سینیٹ نا قائمہ کمیٹی خزانہ نا چیئرمین سینیٹر فاروق ایچ نائیک ءِ چھٹی اس مون تسنے ہراٹی سینیٹ نا قاعد و ضابطہ نا رداٹ ضلع گوادر، بلوچستان نابابت معاملہ ءِ کمیٹی آ ریفر کننگانے۔ چیئرمین سینیٹ کمیٹی ءِ پارت کرینے کہ ضلع گوادر کن انکم خراج، سیلز خراج، فیڈرل ایکسائزو کسٹم ڈیوٹی تا مد اٹی دہ سال انا استثنانا معاملہ نا جاچ ءِ ہلے و بجٹ سلاہ و سوج آتے ٹی سرجم رپورٹ پیش کننگے۔ چیئرمین سینیٹ پارے کہ ضلع گوادر ملک انا غٹ آن بھلا کرکی ضلع و اقتصادی وارخواہی تیان مالامال ءِ۔ ضلع گوادر نا اقتصادی وارخواہی تے پین سوگوی تننگ نا گرج ءِ۔ اقتصادی سرجزآتا بابت ضلع گوادر نا الس آ مچ آ ملک اسکان بھرم آتے سرکننگ نا گرج ءِ۔ ضلع گوادر واپاری، صنعتی و زرگزرانی سرجزآتون اوار اوار روزگار نا پوسکن ءُ وارخواہی فراوان کننگ نا لائخی تخک۔ چیئرمین سینیٹ پارے کہ قومی و جہانی زرکاری اتنگ کن گچین حکمت عملی و آسراتی فراوان کننگ نا گرج ءِ۔
