اسلام آباد۔ 15 جون (اے پی پی) وزیر خارجہ مخدوم شاہ محمود قریشی بھارتی وزیر دفاع نا سٹی آ بیان نا ورندی ءِ ترسا اودے سلہ خلکونے کہ مظفر آباد آ برے، کشمیریک نے جی جی کیرہ یا آخا، کل گڑاک پاش مریرہ۔ دوشنبے نادے آ وزیر خارجہ بھارتی وزیر دفاع نا مقبوضہ کشمیر نا حالیت و آزاد جموں و کشمیر نابابت ریمارکس نا ورندی ءِ ترسا پارے کہ اخس کشمیریک اینو بھارت نا سرکار آن خارزدہ ءُ داخس تدوک آ ہفت دہائی ٹی الورہ، اگہ او واقعی سمجھرہ کہ کشمیری اوفتے تون تفوک ءُ تو ای اوفتے سلہ خلیوہ کہ او مظفر آباد آ بریر و ہرر کہ اخس کشمیری اوفتا ہاں ٹی ہاں ملفرہ ۔ وزیر خارجہ پارے کہ او کنے یا عمران خان ءِ سری نگر آ بننگ نا سلہ خلیر تو ہریرہ کہ اخس کشمیری ننا ہیت آتیا چکار کیرہ ، ہنداوڑ کل گڑاک پاش مریرہ۔ اوپارے کہ مودی سرکار غلط گمانی نا گواچی ءِ۔
