بنجاھی حکومت ءَ آزات کشمیر ءَ کنٹرول لائن ءِ سر ءَ نندوکیں بھارتی فائرنگ ءَ چہ آماچیں آباتی آنی برجائی ءِ واستہ 56 کروڑ کلدار گیشینگ بوتگ

اسلام آباد۔ 13 جون (اے پی پی) بنجاھی حکومت ءَ آزات کشمیر ءَ لائن آف کنٹرول ءِ سر ءَ نندوکیں بھارتی فائرنگ ءَ چہ آماچیں آباتی آنی برجائی ءِ واستہ 56 کروڑ کلدار ءَ چہ گیش گیشینگ بوتگ۔ سرکاری شوبگ آنی دیمروئی پروگرام (پی ایس ڈی پی ) ءِ رد ءَ اے منصوبگ سنٹرل ڈویلپمنٹ ورکنگ پارٹی ءَ مارچ ءَ منظور کنگ بوتگ انت ایشی ءِ رد ءَ 3 ارب 61 کروڑ کلدار ءَ چہ گیش ھرچ کنگی انت پدا ھم مالی سال 21-2020 ءِ ساھت ءَ اے منصوبگ آنی واستہ 56 کروڑ 40 لکھ کلدار گیشینگ بوتگ۔