اسلام آباد۔ 13 جون (اے پی پی) بنجاھی وزیر صنعت ءُ پیداوار حماد اظہر ءَ گوشت کہ حکومت روزگار ءِ موہ آناں گیش ودینگ ءِ واستہ معیشت ءِ برجائی ءُ جندی شوبگ آنی دیمروئی دیگ ءِ سر ءَ دلگوش دیگ ءَ انت۔ شمبے ءِ روچ ءَ ادا حکومت ءِ اقتصادی ٹیمب ءِ ھمبراھی ءَ پوسٹ بجٹ پریس کانفرنس ءَ آئی ءَ گوشت کہ روزگار ءِ پجاری ءِ واستہ وتی سوگند آنی سر ءَ برجائی ءَ اوشتاتگ آں، مئے مدام ھمے لیکہ بوتگ کہ جندی شوبگ روزگار ءِ پجاری ءَ کلیتی کرد پیلو کنگ کن انت۔ جندی شوبگ ھما وھد ءَ مھکم بنت وھد ءِ مئے معیشت برجم بنت، مئے اولی سیم سر معیشت ءَ را برجم کنگ انت۔ معیشت ءِ برجائی ئِ واستہ استیں حکومت ءَ بازیں گامگیج کتگ، حکومت ءَ کاروبار ءِ تہ ءَ آسانی پیداک کتگ ایشی ءِ سبب ءَ کاروبار ءَ آسانی آنی میان اوستمانی درجگ بندی ءَ گوستگیں سال 28 پوائنٹ ءِ گہتری بوتگ ءُ گوزوکیں سال ءَ ایشی ءِ تہ ءَ گیش گہتری ءِ امیت انت۔ کاروبار ءَ گہتری ءِ سبب ءَ پاکستان ءِ برآمدی چیز آنی تہ ءَ گیشی بوتگ، کوروبا ءَ چہ پیسر برآمدی چیز آنی تہ ءَ 14 درسد گیشی ریکارٹ کنگ بوتگ۔ آئی ءَ گوشت کہ کسانیں ءُ درنیامی درجگ ءِ کاروبار ءِ دیمروئی مئے دلگوشی انت۔ کسانیں کاروباری مردم آناں توان ءِ بل آنی دیگ ءِ واستہ 50 ارب کلدار گیشینگ بوتگ۔ آئی ءَ گوشت کہ کورونا وائرس ءِ ھوپ ءِ رد ءَ کاروبار ءُ روزگار ءَ را رکھینگ ءِ واستہ سٹیٹ بنک ءَ بازیں سکیم آنی بنگیج کتگ ایشی یے جوانیں رند پد سہرا بوتگ۔ اے سکیم ءَ چہ ھشت لکھ ءُ نیم ءُ نیم چہ گیش کاروبار آں سیت چچست کتگ۔ حماد اظہر ءَ گوشت کہ حکومت ءَ روزگار ءَ را رکھینگ ءِ واستہ بازیں گامگیج کتگ ایشی ءَ ھوار روزگار ءِ موہ پیداک کنگ ءِ سر ءَ دلگوشی دیگ بوھگ ءَ انت۔ گوستگیں سال ءِ رد ءَ ھمک سالی دیمروئی پروگرام ءَ 100 ارب گیشی بوتگ ایشی ءَ چہ دیمروئی چست ءُ ایر آنی تہ ءَ ترندی کئیت ءُ روزگار ءِ موہ گیش ود انت۔ آئی ءَ گوشت کہ جوڑیشتی شوبگ ءِ واستہ ٹوھیں پیکج دیگ بوتگ۔ ایشی ءَ چہ 40 جھلی صنعت آناں سیت رسیت ءُ ایشی ءَ چہ روزگار ءِ موہ آنی تہ ءَ گیشی کئیت۔
