اسلام آباد۔ 12 جون (اے پی پی) پاکستان ءَ چین ءِ سفیر ءَ نیشنل ڈیزاسٹر اتھارٹی این ڈی ایم اے ءِ چیئرمین لیفٹیننٹ جنرل محمد افضل ءَ گند ءُ نند کت۔ گند ءُ نند ءَ پاکستان ءَ کورونا ھوپ ءُ مدگ ءِ جاور ھال آنی رد ءَ ھیال ریچی کنگ بوت۔ چینی سفیر ءَ پاکستان ءَ کورونا مریض آنی گیش بوھگ ءِ ھوالگ ءَ نہ وشی ءِ درشان کنان ءَ پاکستان ءَ را اے ھوپ ءَ چہ رکھینگ ءِ واستہ چین ءِ نیمگ ءَ چہ سرجمیں کمک کنگ ءِ دل یکیمی کنائینت۔ آئی ءَ گوشت کہ پاکستان ءَ را آکسیجن بیڈز ءُ گیش بائی پیپ ءِ پجاری ءِ چار ءُ تپاسی گپت۔ چینی سفیر ءَ گوشت کہ چین ءَ کورونا مریض ءِ علاج ءَ لستیں درمان سیت مند سہرا بوتگ انت۔ پاکستان ءَ اے درمان ءُ ٹُکہ تجرباتی رنگ ءَ کارمرد کنگ ءِ واستہ پجاری کنگ بوت کنت۔ اے موہ ءِ سر ءَ چیئرمین این ڈی ایم اے ءَ چینی سفیر ءَ را پاکستان ءَ را پلازمہ مشین آنی ضلورت ءِ بابت ءَ سرپد کت۔ آئی ءَ گوشت کہ چین ءِ کمک ءَ چہ اسلام آباد ءَ جوڑیشت کتگیں ھوپی نادراھی آنی ہسپتال آنی زوت بنگیج کنگ ءَ آں۔ چین پاکستان ءَ را اے رنگیں گیش دو ہسپتال جوڑ کنگ ءَ کمک پجارین ایت۔ چینی سفیر ءَ گ وشت کہ چین پاکستان ءَ را مدگ ءِ ھلاس کنگ ءِ واستہ گیش اسپرئیر ءُ کیمیائی درمان پجاینگ بیت۔ اے ساھت ءَ بالی اسپرے ءِ واستہ ڈونر آنی اھستی ءِ ھم چار ءُ تپاسی گرگ بیت۔ چئیرمین این ڈی ایم اے ءَ گوشت کہ سکیں ساھت ءَ جوانیں کمک کنگ ءِ پد ءَ چینی حکومت ءُ الس ءِ شگر ءُ منت وار آں۔
