اسلام آباد۔ 12 جون (اے پی پی) پاکستان راج انا پدتموک تپہ غاتے ٹی کوویڈ۔ 19 نا زہم آتے کم کننگ اٹی بھارت نا کمک کننگ و نغد پیسہ بشخنگ نا پاکستان نا سرسہب آزموندہ ءِ شیئر کننگ نا بابت وزیراعظم عمران خان نا خیرخواہی ناسلاہ نا بابت بھارتی منفی تران آ است ہسونی نا درشانی ءِ کرینے۔ جمعہ نادے آ ترجمان دفترخارجہ عائشہ فاروقی اسہ بیان اسے ٹی پارینے کہ بھارتی وزارت خارجہ نا ریمارکس اسہ ہندن ءُ سنگین ویل اسے آ پوائںٹ اسکورنگ نا غیر پیشہ ورانہ کوشست آتا عکاس ءِ ہراڑآن برصغیر نا لکھ آ نیزگار مخلوق نا زند ءِ خطرہ مون تروک ءِ۔ ترجمان پارے کہ وزیراعظم نا دا سلاہ پنی آ امریکی یونیورسٹی نا ہمو مطالعہ نا پس منظر اٹ تننگانے ہراٹی بھارتی اُراخاص کر راج انا نیزگار انگا تپہ غاتیا کوویڈ۔ 19 لاک ڈاؤن نا زہم و نیزگارخاہوت آتے ٹی براہ راست نغد زر انا گدریفنگ ءِ تالان کننگانے۔ ترجمان پارے کہ جہانی ایجنسیک حکومت پاکستان نا کنڈآن اسہ کروڑ نیزگار خاہوت آتے ٹی 120 ارب روپئ نا براہ راست نغد زر بشخنگ نا مثبت زہم آتا ستاءِ کرینے۔ جہانی کہول آ دینی مرض انا دا مشکل وخت اٹی وزیراعظم نا دا سلہ کوویڈ۔ 19 نا زہم آتون مون تننگ کن سارک باسک ملک آتے ٹی تینا آزموندہ غاتے شیئر کننگ نا گام انا رداٹ ئس۔ ترجمان پارے کہ وزیراعظم عمران خان نا سلاہ غا بھارتی وزارت خارجہ نا ردعمل اونا تینا سرکڑدہ نا بیان کروک موقف اتون متصادمءِ۔ ترجمان داہیت آ زور شاغا کہ جہانی دین اسہ اسیجائی ءُ چیلنج اسے ہرانا مون ءِ توننگ کن، پوائنٹ اسکورنگ نا جاگہ غا سنجیدہ کوشست و قومی آزموندہ غاتے دیانتداری اٹ شیئر کننگ نا گرج ءِ۔
