اسلام آباد۔ 12 جون (اے پی پی) بروک آ مالی سال اٹی ڈغار تا پائیدار انتظام نا ڈٹ سسٹین ایبل لینڈ مینجمنٹ پروگرام کن 2 کروڑ 4 لکھ 23 ہزار روپئی جتا کننگانے۔ سرکاری بشخ انا بنجائی شونداری پروگرام پی ایس ڈی پی مالی سال 2020-21 ء نا رداٹ بروک آ مالی سال اٹی وزارت موسمیاتی بدلی نا کل شش ڈٹ آتے کن جم وڑاٹ پنچ ارب روپئی جتا کننگ نا سلاہ تننگانے۔ سسٹین ایبل لینڈ مینجمنٹ پروگرام 2015 ء ٹی سی ڈی ڈبلیو پی آن منظور مس۔ دا ڈٹ انا خڑچ انا کساس 10 کروڑ54 لکھ روپئی آن زیات خلنگانے۔ اینخو مالی سال اٹی یعنی 30 جون 2020 ء اسکان دا ڈٹ آ خڑچ آتا کساس 8ءُ نیم کروڑ روپئی آن زیات ءِ۔ داڈٹ انا فنڈنگ اٹی درملکی امداد اوار اف۔ دا ڈٹ ملک اٹی ڈغار نا صحراٹی بدل مننگ نا عمل ءِ توننگ ناپروگرام نا بشخ ءِ۔
