اسلام آباد۔ 12 جون (اے پی پی) سرکاری بشخ انا سالانہ شونداری پروگرام 2020-21 ء (پی ایس ڈی پی ) نا رداٹ جاری پوسکن آ اسکیم تیکن جم وڑاٹ اسہ کھرب 82 ارب 96 کروڑ روپئی آن زیات جتا کننگانے۔ جمعہ نادے آ جاری پی ایس ڈی پی نا رداٹ وزارت آبی وسیلہ نا ڈٹ کچھی کینال نا بقیہ کاریم آ 2 ارب روپئی، بلوچستان اٹی 100 ڈیم تا تفنگ آ30 کروڑ روپئی، خضدار اٹی چنکا ڈیم تا تفنگ آ 19کروڑ 50 لکھ روپئی، لسبیلہ ٹی وندر ڈٛیم انا تفنگ آ 3 ارب روپئی، ٹانڈ اڈیم انا کمانڈ ایریا نا گچینی و دیر کوڑی کننگ نا گنجائش ءِ ودفنگ آ 67 کروڑ36 لکھ روپئی آن زیات ، پسنی ٹی دوسی ڈیم انا تفنگ آ 30 کروڑ 69 لکھ روپئی آن زیات، چکوال اٹی کبیر ڈیم انا تفنگ آ 75کروڑ روپئی، کوئٹہ ٹی مانگی ڈیم انا تفنگ آ اسہ ارب 79 کروڑ روپئی آن زیات، سندھ اٹی چنکا ڈیم تا تفنگ آ 2 ارب روپئی، دیامر بھاشا ڈیم ڈٹ انا ڈیم پارٹ آ 16 ارب روپئی، دیامربھاشا ڈیم اکن ڈغار نا دوئی کننگ آ پنچ ارب روپئی، جھل مگسی، بولان، نصیر آباد و ڈیرہ بگٹی ٹی کچھی کینال ڈٹ آ 3 ارب روپئی ، مہمند ڈیم ڈٹ آ 7 ارب روپئی، پوسکن آ گاج ڈیم ڈٹ آ 3 ارب روپئی، نولانگ ڈیم ڈٹ آ 2 ارب 50 کروڑ روپئی، داسوپن بجلی ڈٹ آ 8 ارب روپئی آں زیات، خیال خوڑپن بجلی ڈٹ آ اسہ ارب 35 کروڑ روپئی آن زیات ، منگلہ پاور اسٹیشن نا اپ گریڈیشن آ 5 ارب روپئی آن زیات، نیلم۔جہلم پن بجلی ڈٹ آ اسہ ارب 40 کروڑ روپئی آن زیات، تربیلا فائیو توسیعی ڈٹ آ 5 ارب 64 کروڑ روپئی آن زیات ، تربیلا IVتوسیعی ڈٹ آ 3 ارب 26 کروڑ روپئی آن زیات و ورسک ہائیڈرو الیکٹرک پاور اسٹیشن نا بحالی آ 3 ارب 20 کروڑ روپئی خڑچ کننگک۔
