اسلام آباد۔ بروک آ مالی سال اٹی 10 بلین ٹری سونامی پروگرام نا اولیکو فیز اکن 4 ارب 90 کروڑ روپئی جتا کننگانے۔ سرکاری بشخ انا بنجائی شونداری پروگرام پی ایس ڈی پی مالی سال 2020-21 نا رداٹ بروک آ مالی سال اٹی وزارت موسمیاتی بدلی نا کل شش ڈٹ آتے کن جم وڑاٹ پنچ ارب روپئی جتا کننگ نا سلاہ تننگانے، دافتے ٹی غٹ آن اہم ڈٹ 10 بلین ٹری سونامی پروگرام ءِ۔ ہرانا تدوک آ سال ایکنک منظوری ءِ تسوسس۔ دا ڈٹ انا خڑچ انا کساس اسہ کھرب، 25 ارب 18 کروڑ و 43 لکھ روپئی خلنگانے۔ اینخو مالی سال اٹی یعنی 30 جون 2020 اسکان 10 بلین ٹری سونامی نا اولیکو فیز آ خڑچ آتا کساس 9 ارب 5 کروعڑ روپئی آن زیات ءِ۔ دا ڈٹ انا فنڈنگ اٹی درملکی امداد اوار اف۔
