فیصل آباد ڈویژن اٹی احساس ایمرجنسی کیش پروگرام آ عملدرآمد پبی وڑاٹ برجاءِ، ترجمان ڈویژنل انتظامیہ

فیصل آباد۔ 12 جون (اے پی پی) فیصل آباد ڈویژنل انتظامیہ نا ترجمان پارینے کہ فیصل آباد ڈویژن نا ہر چار آ ضلع فیصل آباد، جھنگ، ٹوبہ ٹیک سنگھ، چنیوٹ اٹی احساس ایمرجنسی کیش پروگرام آ عملدرآمد پبی وڑاٹ برجاءِ و داوخت اسکان مچ آ ڈویژن اٹی 4 لکھ 94 ہزار نا خڑک رجسٹرڈ حقدار نرینہ و نیاڑی تیٹی 12 ہزار روپئی فی بندغ نا حساب اٹ 5 ارب 92 کروڑ روپئی آن زیات نا مالی امداد بشخنگانے۔ جمعہ نادے آ اے پی پی تون گپ وتران اٹی او پارے کہ ڈویژن نا ہر چار آ ضلع فیصل آباد، جھنگ، ٹوبہ ٹیک سنگھ، چنیوٹ اٹی جم وڑاٹ 52 سنٹر آ 151 کاؤنٹر آتا کمک اٹ احساس ایمرجنسی کیش پروگرام آ عملدرآمد برجاءِ و رجسٹرڈ مروک آ بندغ آتے 12 ہزار روپئی فی کس امداد بائیو میٹرک پک کننگ آن پد ترند رفتاری اٹ فراوان کننگ انگ ءِ۔ اوپارے کہ ضلع فیصل آباد نا 20 سنٹر آتیا 2 لکھ 70 ہزار 123، چنیوٹ اٹی 6 سینٹر آن 62 ہزار452، جھنگ اٹی 12 ہند آتیان 95 ہزار 972 و ضلع ٹوبہ ٹیک سنگھ اٹی 12 سینٹرز آ 64 ہزار 867 نا خڑک حقدار مالی امداد دوئی کرینووخت اس کہ داسکان دا چرجوئی برجاءِ۔ اواحساس و انصاف پروگرام تیا عملدرآمد نا چرجوئی ٹی ہر چار آ ضلع فیصل آباد، جھنگ، ٹوبہ ٹیک سنگھ، چنیوٹ نا انتظامیہ نا کارکڑدگی ءِ است جم گوندا و سینٹرز آتا تعلقدار کمامدارآتے کوروناغان بچفنگ کن راجی فاصلہ ءِ برجاتخنگ نا گام گیج، دوتے جراثیم آن پاک کننگ کن سینیٹائزر نا ساڑی گری، درخواست گزار آتا تولنگ کن سیخا و کنوئی ءُ دیر انا بست وبند ءِ برقرار تخنگ ناہم پارت کرے۔