اسلام آباد۔ 11 جون (اے پی پی) اینخومالی سال اٹی حکومتی کٹیا جم قومی پیداوار (جی ڈی پی) نا 12.9 درسد نا بریبر مسنے۔ اقتصادی جاچ رپورٹ مالی سال 2019-20 ء نا رداٹ جولائی آن مارچ 2019-20 ء ٹی نان خراج کٹیا 159.9 درسد نا ودکی آن محصول آتا کچ 1095.6 ارب روپئی اسکان ودا وخت اس کہ تدوک آ مالی سال انا ہنداوخت اٹی نان خراج ریونیو 421.5 ارب روپئی ناوصولی مسوسس۔ رپورٹ نارداٹ جم قومی پیداوار (جی ڈی پی) نا تناسب اٹ مالیاتی نسخان اٹی 1.1 درسد نا نمان کمتی مسنے۔ جاری مالی سال اکن مالیاتی نسخان نا تناسب 4 درسد اسکان کم مس وخت اس کہ تدوک آ مالی سال اکن دا شرح 5.1 درسد مسوسس۔ ایلوکنڈآ خراج کٹیا جاری مالی سال انا اولیکو 9 تُو اٹی 13.7 درسد نا ودکی آن 3594.3 درسد اسکان ودا وخت اس کہ تدوک آ مالی سال نا ہندا وخت اکن خراج محصولات آتا کچ 3162.1 ارب روپئی مسوسس۔ ہنداوڑ بلاواسطہ خراج وصولی ہم 14.1 درسد نا ودکی آن 1071.7 ارب روپئ نا مقابلہ ٹی 1223.2ارب روپئی اسکان ودا۔
