مقبوضہ کشمیر اٹی مسہ چار دے اٹی 15 بندغ ءِ شہید کننگا، جہانی برادری نوٹس ہلے، مشعال ملک

اسلام آباد۔ 11 جون (اے پی پی) حریت راہشون یاسین ملک نا اُرائی مشعال ملک پارینے کہ مقبوضہ کشمیر اٹی تدوک آ مسہ چار دے اٹی 15 آن زیات بندغ شہید مسنے۔ اوپارے کہ شہید بندغ آتا میت آتے ہم خاہوت آتے تننگ انگ ءِ نئے اوفتا شناخت ءِ پاش کننگ انگ ءِ۔ خلق خلق ءِ خاخر تننگ انگ ءِو اُراتے دھماکہ غاتے اٹ بھس کننگ انگ ءِ۔ پنچ شنبے نادے آ داڑے جاری ویڈیو کلہو اٹی اوپارے کہ بھارت کورونانا آڑاٹی بدمعاشی،غنڈہ گردی و دہشت گردی نا بناءِ کرینے، اسہ کودک ءُ قوم اسے آ ظلم ءِ تاریخ مدام یات تخک، داوخت آ کوروناوائرس نا دین انا پڑدہ ٹی مقبوضہ کشمیر اٹی جنگی ڈوہ مننگ ءِ۔ اوپارے کہ دُن مف کہ ہراتم کرونا چٹے تو مقبوضہ کشمیر قبرستان اٹی بدل مروئے، جہانی برادری آن خواست ءِ مقبوضہ کشمیر اٹی بیدادی نا نوٹس ءِ ہلے۔ بیدادی نا چٹفنگ کن بھارتی فوج ءِ دمدستی وڑاٹ مقبوضہ کشمیر آن کشفنگے۔