پاکستان جہانی بینک انا کمک اٹ چنکاکاروبار خاص وڑاٹ زالبول نا کاروبارنا بحالی کن اسہ ڈٹ اس جوڑ کننگ ءِ، دا ڈٹ انا رداٹ کاریم کروک آ زالبول آتے سماٹ فون تننگک، اوفتے کاروبار نا بحالی کن آن لائن تربیت تننگک، کنٹری ڈائریکٹر جہانی بینک

اسلام آباد۔ 11 جون (اے پی پی) جہانی بینک پارینے کہ پاکستان اٹی کورونا نا دین آن بحالی نا عمل اٹی زالبول آتیا چکار کننگ المی ءِ۔ پاکستان اٹی جہانی بینک انا کنٹری ڈائریکٹر الانگو پیچوموتو راجی رابطہ نا ویب سائٹ ٹویٹر آ جاری تینا کلہو و منسلکہ آرٹیکل اٹ پارینے کہ کوروناوائرس نا بحالی نا راجی و اقتصادی پالیسی تیٹی زالبول آتا ضرورت آتا خیال خیال تخنگ ءِ مقدم تخنگے۔ اوپارے کہ داہیت ستاکڑزک کہ چنکا کاروبار نا بحالی کن ہرا ڈٹ ءِ جوڑ کننگ ءِ اوٹی کاروبار کروک آ زالبول آتا بحالی ءِ اوار کننگانے۔ داوڑکننگ المی ءِ انتئے کہ کورونانا دین انا سوب آن پاکستان اٹی ہزار آ کاروباری زالبول و کاریم کروک آ زالبول آک بھاز بے وڑ اٹ زہمی مسنو، کاروبار کروک آ زالبول آتے کٹیا ٹی بھاز کمتی نا مون تروئی تمانے۔ اوپارے کہ اسہ ساڑی ءُ جاچ اسے ٹی معلوم مسنے کہ دین اٹی پاکستان اٹی کاروبار کروک آ زالبول نرینہ کاروباری تیان 8 درسد زیات زہمی مسنو۔ و دین اٹی اوفتے پورو ریونیو نا نسخان تون مون تروئی تمنگ کیک۔ اوپارے کہ پاکستان جہانی بینک انا کمک اٹ چنکاکاروبار خاص وڑاٹ زالبول آتا کاروبار نا بحالی کن اسہ پروجیکٹ اس جوڑ کننگ ءِ، داپروجیکٹ نا رداٹ کاریم کروک آ زالبول آتے سمارٹ فون تننگک و ولدا اوفتے کاروبارنا بحالی کن آن لائن تربیت تننگک۔ اومستی پارے کہ جہانی بینک و اقوام متحدہ بنجائی و صوبائی حکومت آتے زالبول آتے کن رکھ ٹرانسپورٹ، چائلڈ کیئر سپورٹ، و کاریم کن زیزاریفنگ آن رکھ ماحول نا فراوانی ٹی پالیسی و پروگرام جوڑ کننگ اٹ کمک فراوان کننگ ءِ۔