اپوزیشن سیاست، وزیراعظم قوم ءِ دین آن رکھ تخنگ و بین آن بچفنگ کن گام گیج کننگ ءِ، بنجائی وزیر حوالکاری و شینکاری سینیٹر شبلی فراز

چم باز پارلیمان نا فورم ءِ کاریم اٹ اتسا الس ءِ ریفنگ کپسہ
اسلام آباد۔ 11 جون (اے پی پی) بنجائی وزیر حوالکاری و شینکاری سینیٹر شبلی فراز پارینے کہ خواجہ آصف نا تقریر کورونانا دین انا سوب آن ڈیہہ و جہانی کہول آ مون تروک حالیت آتیان اسُل بے سمائی ءِ پک کیک، اونا بیان تضاد آن پُر و راستکی تیان خن تے چپ کننگ اسے، اپوزیشن تینا سیاست کن الس نا زند اتون گوازی کپ، سیاسی چم باز پارلیمان نا فورم ءِ کاریم اٹ اتسا الس ءِ ریفنگ کپسہ، مستین نا حکومت آک وطن عزیز نا ادارہ غاتے تباہ حال کرسا بے سمت کرے۔ پنچ شنبے نادے آ تینا بیان اٹی بنجائی وزیر سینیٹر شبلی فراز پارے کہ عمران خان ملک انا سمت ءِ درست کرسا شونہالی و شونداری نا کسر آ ایسونے۔ پاکستان نا الس باشعور ءِ۔ ملکی فائدہ غا جند انا فائدہ غاتے اولیت تروک آ الس ءِ پین بیوقوف کننگ کپسہ۔ مستین نا حکومت آک جند انا فائدہ غاتے کن ادارہ غاتے ژند کریر۔ تینا منشور نا رداٹ نن ادارہ غاتے ٹی اصلاحات کرسا سروس ڈلیوری ءِ گچین کننگ اُن۔ وزیراعظم عمران خان نا کماشی ٹی غٹ چیلنج آتون جوانی اٹ مون تننگ اُن۔ اوپارے کہ اپوزیشن جوان آ سلاہ تا جاگہ غا سیاست کننگ ءِ۔ وزیراعظم عمران خان قوم ءِ کورونانا دین آن رکھ تخنگ وبین آن بچفنگ کن گام گیج کننگ ءِ۔