اسلام آباد ۔ 11 جون (اے پی پی) وزارت ءِ جان سلامتی ءِ پارلیمانی سیکرٹری ڈاکٹر نوشین حامد ءَ گوشت کہ حکومت جندی ہسپتال آنی تہ ءَ داخلیں مریض آناں علاج ءُ درمان ءِ زرّ آں دنت انت، توامیں اسمبلی ءِ باسک وتی وتی دمگ آنی تہہ ءَ کورونا وائرس ءَ چہ رکھینگگ ءِ واستہ استیں ایس او پیز آنی پد ءُ رند ءَ دل یکیمی جوڑ کنگ ءَ وتی کرد ءَ پیلو بکن انت، کجام ھم تک ءَ حکومت لاک ڈائون ءِ ھوالگ ءَ کنفیوژن ءِ آماچ نہ انت، ما انوگ ءَ ھم ھمے گپ ءَ جناں کہ پاکستان ءَ لاک ڈائون ایشی ءِ درمان بوت نہ کنت چیا کہ ایراد گروک تھر ءَ مردم آناں شدیکی ءَ چہ بچارینت نہ کناں کورونا ءِ جاور ھال ءَ چہ چہ وڑ وتارا بہ رکھین آں۔ پنچ شمبے ءِ روچ ءَ قومی اسمبلی ءَ صدارتی گشتانک ءِ ھوسالگ ءَ وشی ءِ درشان کنگ ءِ جنز ءِ تہ ءَ بھر زوی کنان ءَ ڈاکٹر نوشین حامد ءَ گوشت کہ اے گوشگ راست نہ بیت کہ حکومت کورونا ءِ ھوالگ ءَ دست بستگ ءُ نشتگ ۔ کورونا ءِ ھوالگ ءَ مزن وزیر ءِ سروکی ءَ این سی او سی مزنیں ٹوھیں فورم ات۔ اے فورم ءِ سر ءَ توامیں صوب آنی شور ءُ مشور ءَ گوں پالیشی جوڑ کنان ءَ نیشنل ایکشن پلان تشکیل دیگ بیت۔ آئی ءَ گوشت کہ نوں پاکستان این 95 ماسک جوڑ کنگ ءِ پوزیشن اتکگ۔ نوں ماں ایشرا ایندگہ ملک آناں روان دیگ ءُ پجارینگ ءِ پوزیشن ءَ اتکگ آں۔ سرجمیں ملک ءَ 107 لیبارٹری جوڑ کتگ ایشانہ ھمک رفوچ ءَ ٹیسٹ کنگ ءِ ازم 46 ہزار انت۔ زوت ڈبلیو ایچ او ءِ ٹارگٹ ءَ ھم در جناں۔ این ڈی ایم اے ءِ وسیلگ ءَ وینٹی لیٹر در جنگ بوھگ ءَ انت۔ چین ءَ مارا 100 وینٹی لیٹر پجارینتگ۔ پیسر ءَ سرجمیں پاکستان ءَ ایوک ءَ 2200 وینٹی لیٹرز بوتگ اے وھد ءِ کے پی کے ءَ 5 ہزار ءَ چہ گیش آکسیجن ءِ گوما بیڈز انت ءُ آھودا 340 ءَ چہ گیش وینٹی لیٹرز ھم ساڑی انت۔ پنجاپ ءَ 387 وینٹی لیٹزز است 159 کارمرد کنگ بوھگ ءَ انت۔ گوزوکیں ماہ پنجاپ ءَ ہزار آئی سی یو بیڈز ءِ تیاری سرجم کنگ بیت۔ پنجاپ ءِ ہسپتال آنی تہ ءَ 47 درسد ھالیگیں بیڈز است۔ پپرائیویٹ ہسپتال آنی گوما ایم او یو کنگ بوھگ ءَ انت ایشانی زرّاں حکومت دنت۔ آئی ءَ گوشت کہ سرجمیں ملک ءَ 209 کوآرڈیننس سنٹز جوڑ انت آئی ءَ گوشت کہ لاک ڈائون ءِ ھوالگ ءَ حکومت اچ تک ءَ ھم کنفیوژن نیست انت۔ پاکستان لاک ڈائون ءِ سر ءَ نہ چیل ایت۔ اے تھر ءِ مردم آناں شدیکی ءَ چہ رکھینگ نہ کناں کورونا ءَ چتور مردم آناں شدیکی ءَ رکھینت کناں۔ توامیں اسمبلی ءِ باسک وتی وتی دمگ آنی تہ ءَ ایس او پیز آنی پد ءُ رند دل یکیمی بہ بنت۔
