مزن وزیر عمران خان ءَ ضلورت مندیں گس آناں نگدی زرّ دیگ ءِ رد ءَ بھارت ءَ را کمک کنگ ءِ پیشوکی گوشت

اسلام آباد ۔ 11 جون (اے پی پی) مزن وزیر عمران کان ءِ ضلورت مندیں گس آناں نگدی زرّ پجارینگ ءِ پروگرام ءِ رد ءَ بھارت ءَ را کمک پجارینگ ءِ پشوکی گوشت۔ پنچ شمبے ءِ روچ ءَ ٹویٹر ءِ سر ءَ وتی کلوہ ءَ مزن وزیر ءَ انگریزی ھمک روچی رپوٹ ءِ ھوالگ ءَ دیان ءَ گوشت کہ اے رپوٹ ءِ رد ءَ بھارت ءَ 34 درسد گس آنی کمک پجاری کنگ ءِ رد ءَ یک ھپتگے ءَ چہ گیش زندگ بوھگ ءِ لائک نہ بنت۔ آئی ءَ گوشت کہ مئے حکومت ءَ 9 ھپتگ آنی ساھت ءَ یک کروڑ ھاندان آناں کوویڈ-19 ءَ چہ پیداک بوھوکیں جاور ھال آنی تہ ءَ 120 کلدار ءِ نگدی زرّ ساپ ءُ سلہ ایں رنگ ءَ پجارینتگ انت۔ مئے اے پروگرام ءَ را میاں اوستمانی رنگ ءَ ساڑاھگ بوتگ۔ مزن وزیر ءَ پیشوکی تران کنان ءَ گوشت کہ اے رنگ ءَ پروگرام ءِ واستہ بھارت ءَ را کمک پجارینگ ءِ واستہ تیار آں۔